Esita 4:14 - Livulu lya Shukulu Kalunga

¹⁴ Nga yove woloka ngoco kuluu a simbu yakufwa ngwe ino, co zivuka ngwove vaYunda vakatambula vukwaso kweka, co yove na naanga ya isho mukanyonga. Oloni iyajo wazivukile ngwendi a simbu ino omo yove unapu lishano kukaija simbu yakufwa ngeci?”

Esita 4:14 Iomraidhean Croise

Kushangumuka 22:14

Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”

2 Vimyene 13:5

Shukulu Kalunga watuminine Isalele ntwama uje wavapatwile kuli vaSilya, co vaIsalele vakele mu kwoloka, ngwe muje muvakele myaka ya kunima.

2 Vimyene 19:3

Awa akewo majwi avalekele Hezekiya ngeci vaambulule kuli Isaya ngwavo, “Litangwa lya lelo linapu litangwa lya tuyando, vanatuhisa, co tuli mu vusiwa. Tunalifu na munakazi uje ashaka kukita, oloni kesi na nzili yakukita.

Ezela 9:9

Twapwile tu vinzinda, oloni kuwatusezele mu vunzinda embwe. Yove walingisile vimyene va vaPelesha kutuzivilako mema ku mbunge, nakututava tuyoye mwamuvwa, nakutungulula Njuvo yove Shukulu Kalunga, ije yasiwukile, nakukala mwamuvwa muno mu Yunda na mu Yelusalema.

Nehemiya 6:11

Co yange njamukumbulwile ngwange, “Yange kunjesi na cifwa cakutewa munu nakuvanda. Kuma yove unayongola ngwove yange njasa kweseka kwamena mwonyo wange akuvanda mu Njuvo ya Shukulu Kalunga ndi? Kunjasa kulingamo embwe.”

Esita 2:15

Omo simbu ya Esita yetele yakuya kuli mwene. Esita, muna Avihaile shongo ya Molendekai, uje wamulelele ngwe munendi vene, munu na munu washakele Esita omo wamumwene. Omo simbu yendi yetele, co wazalele ngwe muje mwamunangwile kayunuke Hengai muka-kunyunga vambanda.

Esita 2:17

Co Mwene washakele manene Esita kutuvakana vakwavo vambanda voshe, nakutuvakana voshe veka vaje vavwaelesele Mwene ku mbunge nakuvazema. Co wamuzikile cilongo ca vumwene ku mutwe wendi, nakumupwisa lishano mu mwela wa Vashiti.

Esita 2:7

Molendekai wakele na shongo yendi, lizina lyendi Esita, mu ciHevelu lizina lyendi ngwavo Handasa. Ikeye wapwile mumbanda wamuvwa manene, co wakele na cifwa cacivwa. Co omo visemi vendi vatsile, Molendekai wamulelele kupwa ngwe munendi vene.

Esita 4:13

co welwisile lijwi kuli Esita ngwendi, “Kesi uyongole ngwove yove ukovoka kutuvakana vaYunda veka omwo uli mu lipela embwe.

Esita 4:15

Co Esita welwisile lalo lijwi kuli Molendekai ngwendi,

Yombi 9:18

Ikeye katava ngeci njihwime muku wange, ikeye nashulisa mwonyo wange na kayando.

Muka-kwambulula 3:7

kuli simbu yakutavula, na simbu yakutonga, kuli simbu ya kwoloka kuluu, na simbu yakusimutwiya.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

VaLevi 26:42

co njikanuka cikumiiyo cange cije njalikumiiye na vakukulwila vavo, Avilahama, na Isake, na Yakomba, co njikavezikisa livu lyeni.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Maako 15:6

Omo vaFilisitiya vehwile ngeci iyajo walingile cuma cije, co vanangukile ngeci Samusoni ikeye wacilingile omwo ishemweno, uje kaTimena, washombwesele munakazi wa Samusoni kuli musamba wa Samusoni. Ngecivene, vaFilisitiya vaile nakwenyeka uje munakazi, co venyekele lalo na naanga ya ishe.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.

1 Samwele 17:29

Co Ndaviti wamukumbulwile ngwendi, “Njinalingi vikajo? Kuma kunjasa kwihula nameme cihula ndi?”