Esita 3:13 - Livulu lya Shukulu Kalunga

¹³ Co vatumine vanu kutwala mikanda eyi ku mafuti oshe a vumwene. Co mwakele mashiko avasonekele ngwavo, “A litangwa lyamulikumi na atatu, litangwa lya Andale, ngonde yamulikumi na vivali, vaYunda voshe, vakwenje na vakulunu, vanakazi na vanike, vanapande kuvatsiya kujeneka kuvazivilako mema ku mbunge, nakupukula vufuko vwavo. Eci cikalingiwa a litangwa limo.”

Esita 3:13 Iomraidhean Croise

2 Mizimbu 30:6

Co miluwa vaile mu Yunda mwoshe na mu Isalele mwoshe na mikanda yakutunda kuli mwene na vamyata vendi, co vendekele ngwe mwavashikile mwene ngwavo, “Eni vanu va Isalele, munovoka kuli vaAsilya vaje vafungulwile lifuti. Co ololo ilukeni kuli Shukulu Kalunga, Njambi ya Avilahama na Isake na Yakomba, co nendi lalo akeluka kuli yeni.

Esita 7:4

Omwo vavushoko vwange nange vanatulandesa ngeci vatunyongese. Kukwesi cuma cimo cakuhyana nga vatulandesela mu vunzinda, nga njinoloka kuluu kujeneka kukutatokesa ngeci, oloni tuli kuyehi nakutunyongesa, kutuzilula vene zilu!”

Esita 8:5

“Nga cinakuvwasa yove shukulu, nakunjitolilila, co nga cinasholoka kupwa ca vushunga kuli yove, tambeka mutambi wakuvindika mashiko a Hamane ngeci kesi alingiwe, mashiko aje aanene muna Hamendata mutekulu wa Angange akutsiya vaYunda voshe mu vumwene vwa Sheleshe.

Esita 9:1

Co litangwa lyamulikumi na atatu lya ngonde ya Andale lyetele, akeo a litangwa lije mutambi wa vumwene walingiwile na nzili, litangwa lije omo vitozi va vaYunda vakele na cinyangavili cakufungulula vaYunda. Oloni omo valingile ngacije, vaYunda vahyanene vitozi vavo.

Esita 9:10

Ava vakevo vana va Hamane va vanalume likumi vavatsiile, vapwile vana va Hamane uje muna Hamendata citozi ca vaYunda, oloni vije vyakupukula kuvavyambatele.

Esita 9:5

Ngecivene, vaYunda vasele kulinga mwoshe muvashakele kuli vitozi vavo. Co vavalwisile na mikwale nakuvanyongesa.

Yombi 9:25

“Matangwa ange alinakuhwa vwasi kutuvakana muka-kushatuka lumbisi, matangwa ange alinakwita vwasi, oloni kuwamono vyavivwa.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Njelemiya 51:31

Muluwa umo akava muluwa mukwavo mukushatuka nakukaleka mwene wa Mbambilone ngeci nganda yendi valinakuyifungulula.

Loma 3:15

Vazambula kuvulumuna nakutsiya vakwavo,

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 22:19

Ngecivene, Saulu watapele lalo vanalume, na vanakazi, na vanike, na vimbututu, na vingombe, na vimulu, na vimanga, na voshe vaje vakele mu Nombe, nganda ya vaka-kukombelela.