Esita 2:9 - Livulu lya Shukulu Kalunga

⁹ Hengai wazemene Esita, wamuvwasele ku mbunge. Co wamwanene vwasi mazi akuvwava akunika lwengo lwaluvwa, na vyakulya vyendi vyapwile vyavivwa. Co wamwanene mwela wauvwa amo na vangamba va vambanda vatanu na vavali ngeci vamupangele muje mu njuvo ya vambanda.

Esita 2:9 Iomraidhean Croise

Kushangumuka 39:21

Oloni Shukulu Kalunga wakele amo na Yosefa wamumwesele cizemo cendi cije kucesi kutenguluka, nakumulingisa ngeci uje muka-kunyunga kamenga amuzivile ngozi.

Kushangumuka 39:4

Potifalo wavwaelelele nendi, wamupwisile ngamba yendi wakumwata, ngeci wamwanene moko ya vyuma vyendi vyoshe vya mu njuvo yendi.

1 Vimyene 8:50

Vasambese ku vivi vyavo vyoshe nakutengulukila kwavo kuje vakutengulukilile, co lingisa vitozi vavo ngeci vavazivile ngozi.

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Nehemiya 2:8

Co lalo njamulombele mukanda wakuya kuli Asafe, muka-kunyunga shwata ya vumwene, nakumuleka ngeci anjaneko miti yakushonga mikambo ya ku vikolo vya ku cimpaka cije canyunga Njuvo ya Shukulu Kalunga, neyi ya vivumbe vya nganda, na mikambo ya njuvo muje munjikakala. Co Mwene wanjanene vyoshe vinjamulombele, omwo Njambi wakele amo nange.

Esita 2:12

Co omo simbu ya mumbanda na mumbanda woshe yetele yakuya kuli Mwene Sheleshe, omo vanalingi nendi laja ngwe ku vilongesa vya vambanda a simbu yavo yakulivwaesa, vingonde vitanu na imo na mazi a miila, co vingonde vitanu na imo na mazi akunika lwengo na vikwavo lalo vyakulivwaesa navyo vanakazi.

Esita 2:3

Shukulu, imika vamyata mu lifuti limo na limo lya vumwene vwove ngeci vawane vambanda vavavwa vaje kanda valimone na vanalume nakuvanena muno mu Susa, mu nganda, ku njuvo ya vambanda, ngeci kayunuke Hengai muka-kunyunga vanakazi vove akavanyunge, co vakavane mazi akunika lwengo lwaluvwa ngeci vavwave.

Esita 5:2

Omo mwene wamwene Lishano Esita nemana anja, co camuvwasele manene, co wajundwile mulamu wendi wa ngolinde nakuwinika kuli Esita. Asinoni Esita washwenyeleko wakwatele ku shongo yawo.

Myaso 106:46

Shukulu Kalunga walingisile vitozi kuzivilako vanu vendi mema ku mbunge.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Ndanyele 1:9

Njambi walingisile Ashepenaze kukala na mema ku mbunge nakutetela Ndanyele.

Vilinga vya Miluwa 7:10

nakumunyunga mwamuvwa mu tuyando twendi twoshe. Omo Yosefa washolokele ku mesho a mwene wa Ingito, Njambi wamwanene cifwa cakuvwaelelesa na mana, co mwene wa Ingito wapwisile Yosefa nguvulu wakushwana lifuti lyendi lyoshe amo na lipela lyendi.