Esita 2:18 - Livulu lya Shukulu Kalunga

¹⁸ Asinoni mwene walingile ciwano cakama manene mukusingimika Esita, nakulanya vamyata vendi voshe na vaka-kwendesa vipangi. Co mwene wemikile litangwa lyakuhwima mu vumwene vwendi vwoshe nakwana vwana kwesekesa na muje muvakaanena mwene.

Esita 2:18 Iomraidhean Croise

Kushangumuka 29:22

Co Lambani walingile ciwano cakama ca vulo, walanyele vanu vavangi va mu mutambela uje.

Nehemiya 8:11

VaLevi vaile nakwolwesa vanu, nakuvaleka ngeci kesi vakale na vusiwa a litangwa lya ngacije lyakujela.

Esita 1:7

Vakele nakwana vyakunwa mu vinganja vya ngolinde, kukwakele vivala vivali vyakulifwa mumo, co mwene wakele na cizango cakwana vinyu vya vumwene.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Mateo 22:2

“Vumwene vwa mwilu vunalifu ngwe mwene walingile ciwano ca vulo vwa munendi wa munalume.

Mako 6:21

Oloni akukotoka Helondiya wawanene ngila. Omo litangwa lyakwanuka kusemuka kwa Helonde, walingilile ciwano cakama vaka-kushwana vendi voshe, na vaka-kushika nzita, na vanu va vulemu va mu Ngalileya.

Luka 14:8

“Omo munu akulanya ku ciwano ca vushombolwa, kesi utumbame a citumbamo ca vulemu. Kutewa amo valanya weka nakutuvakana vulemu,

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

1 Samwele 25:8

Ihula vakwenje vove, co vakevo vakakuleka. Ngecivene, nga citava, vakwenje vange vawane kutetela ku mesho ove, omwo tunaija a litangwa lya ciwano. Njilomba ngeci utwaneko vyoshe-ivyoshe viwulinavyo yetu vangamba vove na munove Ndaviti.’ ”