Esita 10:3 - Livulu lya Shukulu Kalunga

³ Molendekai kaYunda ikeye wapwile wamucivali ku vukama kwata kuli Mwene Sheleshe. Vamusingimikile nakumuzema kuli vavushoko vwendi vaYunda. Washakele kalesi yaivwa ya vanu vendi amolika na kwoloka kwa vatekulwila vavo.

Esita 10:3 Iomraidhean Croise

Kushangumuka 41:40

Yove ukapwa muka-kushika mu lipela lyange, co vanu vange voshe vakononoka kushika kwove, kuvanga a litanda lyange lika lya vumwene, akeo njikakutuvakanena.”

Kushangumuka 45:10

Wakwasa kutunga ku Ngoshene, kuje wasa kukala muyehi nange, na vana vove, na vatekulyove, na vimanga vove, na vimembe vove, na vingombe vove amo na vufuko vwove vwoshe.

Kushangumuka 45:11

Nga wakukala mu Ngoshene, co yange njakukunyunga. Omwo kucili myaka itanu ya njala ya lyangengela, cooni kunjishaka yove, na naanga yove, na vimuna vove mulanduke.’ ”

2 Mizimbu 28:7

Lishwalale umo wa kaIsalele lizina lyendi Zikeli watsiile muna Mwene Ahaze lizina lyendi Maseya, na mukulunu wa mu lipela lizina lyendi Azelikame na Elekana uje wapwile wamucivali kuli muka-kushika wa mwene.

Nehemiya 2:10

Oloni Sanevalate, wa mu limbo lya Mbete Holone, na Toviya, mwata wa lifuti lya Amoni, omo vazivile ngeci kunaija munu umo akwase vanu va Isalele, vimbunge vyavo vyavavalele manene.

Esita 2:5

Co mu Susa mwakele kaYunda umo lizina lyendi Molendekai muna Njaile, Njaile muna Shimei, Shimei muna Kishe, kaMbenjemani.

Esita 3:2

Co mwene washikile vamyata voshe kusingimika Hamane kumutsikamena a mavuli nakumulemesa. Co voshe valingile ngacije, kuvanga lika Molendekai, ikeye wavyanene kulingamo.

Ndanyele 5:16

Ngecivene, njazivi ngwavo yove wasa kulumbununa vyakushweka nakulumbununa mahungu. Nga wasa kulava visoneka evi nakunjilumbunwinavyo, co vakakuzika cikoveyo ca linyu cacilaja ca vumwene, nakukuzika lilyenge lya ngolinde lya kasingimiko mu mukoshi wove, co yove ukapwa wamucitatu mukushika mu vumwene.”

Ndanyele 5:29

Aje vene Mbeleshazale washikile ngeci vanenele Ndanyele cikoveyo cacilaja ca linyu ca vumwene, na lilyenge lya ngolinde lya kasingimiko ngeci vamuzike mu mukoshi wendi. Co wamupwisile wamucitatu mukushika mu vumwene vwendi.

Ndanyele 6:3

Ngecivene, Ndanyele wamwesele ngeci ikeye asa kupanga mwamuvwa kutuvakana vaje vaka-kutwamenena nambe vanguvulu. Omwo Ndanyele wapangele mwamuvwa vipangi vyendi kutuvakana vakwavo voshe, co mwene wayongwele kumwaka ku vukama vwakutwamenena mu vumwene vwoshe.

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

1 Samwele 18:16

Oloni munu woshe wa mu Isalele na mu Yunda, wazemene manene Ndaviti omwo wapwile ntwama wakuhyana.

1 Samwele 23:17

wendekele kuli ikeye ngwendi, “Kesi ukale na lyova. Tate Saulu kakasa kukuvulumuna embwe. Ikeye nazivuka mwamuvwa yove ukapwa mwene mu Isalele, co yange njikapwa wakukwata.”