Esita 10:2 - Livulu lya Shukulu Kalunga

² Vyuma vyoshe vyakama nevi vyakukomokesa vije vyalingile, na a n̄anda yoshe yakwamesa Molendekai, vavisoneka mu livulu lya mizimbu ya vumwene vwa Pelesha na Mendiya.

Esita 10:2 Iomraidhean Croise

1 Vimyene 11:41

Vyuma vyeka vije vyalingile Solomoni, vipangi vyendi na mana endi, vyoshe vavisoneka mu Vin̄anda Vyakuyoya kwa Solomoni.

1 Vimyene 14:19

Vyuma vyeka vije vyalingile Mwene Yelovowame, vinzita vyalwile na muje mwashwanene, vyoshe vavisoneka mu Livulu lya Mizimbu ya Vimyene va mu Isalele.

1 Vimyene 22:39

Vyuma vyeka vije vyalingile Mwene Ahave, kuwezelelako na vipangi vyendi vya lipela lyakwoleka na vimbinga vya vinjamba, vyoshe vije watungile, vavisoneka mu Livulu lya Mizimbu ya Vimyene va Isalele.

Esita 2:23

Omo valohwelelele n̄anda eyi, co vawanene ngeci vukaleo vwa Molendekai vwapwile vwa vushunga, ngecivene, vanalume voshe ava vavali vavashukikile a viti. Co mwene washikile ngeci vasoneke n̄anda eyi mu livulu lya vumwene.

Esita 6:1

Ku vutsiki vuje vene mwene kasele kulala tulo, ngecivene, washikile ngeci vanene livulu lya mashiko a vumwene, co valinenele nakumulavelalyo.

Esita 8:15

Co Molendekai watuukile mu lipela lya vumwene, oku nazala vuzalo vwa vumwene vwa mavala akuzivuluka naa akutoka na cikoveyo cacilaja ca linyu cakuletuka na cilongo ca vumpau ca ngolinde. Co mu vitapalo vya mu Susa vatwile vingunda na mutambi wakuvwaelela.

Esita 8:2

Co mwene washomwene kanzeya kendi kaje kakele na cizivukiso, (kaje katundisile kuli Hamane,) wakaanene kuli Molendekai. Co Esita wapwisile Molendekai muka-kunyunga vufuko vwa Hamane.

Esita 9:4

Molendekai wapwile munu wa vulemu mu lipela, watsimanene mu mafuti oshe, co vamwamesele manene.

Myaso 18:35

Njinyunge nakunjamena yove Shukulu Kalunga, kunyunga kwove kunanjitsimanesa, na nzili yove inanjinyungu mwamuvwa.

Ndanyele 2:48

Asinoni mwene waakele Ndanyele ku vukama, co wamwanene vwana vwavungi vwavuvwa, co wamushwanesele mu lifuti lyoshe lya Mbambilone, nakumupwisa mukulunu wa vaka-kunangula voshe va mu Mbambilone.