Esita 1:12 - Livulu lya Shukulu Kalunga

¹² Oloni omo vangamba valekele Lishano Vashiti kushika kwa mwene, co lishano wavyanene kuyako. Eci caluvalesele manene mwene.

Esita 1:12 Iomraidhean Croise

Kushangumuka 3:16

Shukulu Kalunga Njambi wendekele kuli munakazi ngwendi, “Njikaamesa manene mushongo a simbu yove yakukita, mwa vushunga vene ukakita vana mu vukalu. Nameme ngoco, cizango cove cikakala kuli munalume wove, ikeye akakushika.”

Esita 1:11

vanene Lishano Vashiti, oku nazala cilongo cendi ca vumwene. Lishano Vashiti wapwile wamuvwa manene, co mwene washakele kumwesa vuvwa vwendi kuli vamyata vendi na kuli vangenzi vendi voshe vaje vakungulukile kuje.

Esita 1:13

Co mwene wehwile vinguli vya mana kuli vaje vazivukile mashiko nakusompa, co wasanene vaka-kunangula vendi, vaje vazivukile mwakulingila.

Esita 7:7

Co mwene wakatukile na vukalu ku ciwano ca vinyu, watundile mu mulili, co watuukile anja kuya mu citungu ca mu lipela. Co Hamane wakatukile walambelelele Lishano Esita ngeci ayoyese mwonyo wendi omwo wamwene ngeci mwene nayongola kumulinga mwamuvi.

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Kutuuka 32:19

Omo Mosesa washwenyele kuyehi na cilombo wamwene muna ngombe wa nkomba, co lalo wamwene vanu valinakukina, co waluvalele manene-nene. Ngeci wombilile asi vije vitale wambatele mu mavoko endi, kwisi ya munkinda, co vyatavozokele.

Kutuuka 32:22

Alone wamukumbulwile ngwendi, “Shukulu kesi unjiluvalese embwe. Wazivuka kukaluwa kwa ava vanu omo vakalingi vuvi.

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Visimo 20:2

Vukalu vwa mwene vunafu ngwe kwaana kwa ndumba, ou amushangumuna avulumuna mwonyo wendi.

Ndanyele 2:12

Vacimanese vene kwendeka majwi awa, co mwene waluvalele manene, washikile ngeci vatsiye vaka-kunangula voshe va mu Mbambilone.

Ndanyele 3:13

A simbu ije vene mwene waluvalele manene, washikile ngeci vaje vanalume vatatu vavanene kuli ikeye, co vavanenele.

Ndanyele 3:19

Co Nevukaneza waluvalele manene, cihanga cendi cafufutukile na vukalu ali Shandelaki, na Meshake, na Ambendenengo. Washikile vanu vendi ngeci vashambeye manene litende lya tuhya visimbu vitanu na vivali ngeci lishukume manene kutuvakana mulikashukuminamo visimbu vyoshe.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Efeso 5:22

Eni vanakazi, ononokeni kuli vanalume veni, ngwe kuli Mwene.

Efeso 5:24

Ngecivene, vanakazi vanapande kwononoka kuli vanalume vavo mu vyoshe, ngwe cikungulukilo mucikononoka kuli Kilistu.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

1 Petulu 3:1

Mu cifwa cimo vene, yeni vanakazi munapande kwononoka kuli vanalume veni, ngeci nga umo wavo kakulaela lijwi lya Njambi, vilinga vyeni vikavakokela kukukulaela,