Esita 1:10 - Livulu lya Shukulu Kalunga

¹⁰ Co a litangwa lyamucitanu na avali lya ciwano cendi, omo mwene wakele nakunwa nakuvwaelela, wasanene Mehumane na Mbizeta na Halevona na Mbingeta na Ambangeta na Zetale na Kalekase vayunuke vatanu na vavali vaje vapangele kuli mwene ngeci

Esita 1:10 Iomraidhean Croise

Kushangumuka 43:34

Vavaanene vyakulya vya ku mesa ya Yosefa, oloni vyakulya vya Mbenjemani vyatumine manene kutuvakana vakwavo voshe, ngwe vyakulya vanu vatanu. Ngeci valile nakunwa amo na Yosefa nakuvwaelela.

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

Esita 1:9

A simbu ije vene mu lipela, Lishano Vashiti walingilile vanakazi ciwano ca vyakulya.

Esita 3:15

Co miluwa vashatukile lumbisi kutwala muzimbu mu mafuti oshe ngwe muje mwashikile mwene. Co vambulwile lije lishiko na mu nganda ya Susa. Co mwene na Hamane vatumbamene amo nakunwa, oloni vanu vaje vakele mu nganda ya Susa vakele na kuuya-uya.

Esita 7:9

Asinoni cikola umo, lizina lyendi Halevona, wendekele ngwendi, “Hamane washimbikile viti vyavilaja ku njuvo yendi ngeci ashukikeo Molendekai, uje waamenene mwonyo wove shukulu. Viti evi vinapu mamita makumi avali na mamita avali mu vulaja vwa akamwa!” Co mwene washikile ngwendi, “Shukikeniho Hamane!”

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Visimo 31:4

Ove Lemwele tolilila, vimyene kuvapandele kunwa vinyu, nambe vaka-kushwana kuvapandele kushungwiya kunwa vwala.

Muka-kwambulula 10:19

Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.

Maako 16:25

Omo vakele nakuvwaelela, co vendekele ngwavo, “Yeni mukashake Samusoni ngeci twakumushendumune!” Omo vatuwisile Samusoni mu kamenga, co vamwimikile mukati ka vimanda, co vamushendumwine.

Maako 19:6

Ngecivene, vaje vanalume vavali, vatumbamene nakulya nakunwa amo. Co uje ishe ya mumbanda wamulekele ngwendi, “Kala kuno vutsiki vuno lalo nakulivwaelelesa yove vavenya.”

Lute 3:7

Omo Mbowasi wamanesele kulya nakunwa, wavwaelelele manene. Co waile ku mutumbo wa mbale, walalele kuje. Asinoni Lute wezile nakulimwenga, wafukwile lipai ku mendi a Mbowasi, co walalele.