Efeso 6:9 - Livulu lya Shukulu Kalunga

⁹ Eni vashukulu vavo, lingeni lalo cifwa cimo kuli vindungo veni, co kesi muvashungwiye. Anukeni ngweni yeni na vindungo veni muvavoshe mwakundama kuli Shukulu umolika ali mwilu, uje asompa munu na munu mu cifwa cimolika.

Efeso 6:9 Iomraidhean Croise

Nehemiya 5:5

Tunapu muyati umo ngwe vakwetu vaYunda vene. Kuma vana vetu kesi vavavwa ngwe vana vavo ndi? Oloni tulinakupwisa vana vetu vindungo. Vana vetu va vanakazi vamo, vanavalandesa laja ku vunzinda. Co tunapu tuvangoco omwo mahya etu na vitungu vyetu vya mikolovozi ya vushuka vwa vinyu vanatunyekavyo.”

Yombi 34:19

Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Myaso 140:12

Shukulu Kalunga, njazivuka ngwange yove ukamena tuutu, nakwimanena vushunga vwa vaje vanajeneka.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Ndanyele 3:6

Co munu woshe uje kakakulama nakulemesa kamponya, mwa vushunga aje vene vakamumbila mu litende lya tuhya.”

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Mateo 22:10

Ngecivene, vaje vangamba vaile kuje ku masambwa-ngila, co vanenele vanu voshe vaje vavawaneneko, vavavwa na ava vavavi, co ije njuvo ya ciwano ca vulo yashulile ya vanu.

Mateo 22:8

Asinoni wendekele kuli vangamba vendi ngwendi, ‘Ciwano ca vulo vanacivwaesa laja, oloni vanu vaje vavalanyele kuvezileko.

Mateo 24:48

Oloni nga ikeye napu ngamba wamuvi, endeka mu mbunge yendi ngwendi shukulu kaija vwasi,

Mateo 24:51

Co shukulu yendi akamumbila anja, co akaya ku cihiso amo na vaka-civembulu. Kuje akalila nakulingenjenga ku mayo.

Mateo 7:12

“Ngecivene, vyuma vyoshe vimushaka ngeci vakweni vamilingilevyo, mukemwo vene, neni lalo valingilenivyo, omwo awa akewo majwi a Lishiko lya Mosesa na vilongesa vya vaka-kwimanena.

Luka 6:31

Ngecivene, vyuma vyoshe vimushaka ngeci vakweni vamilingilevyo, mukemwo vene, neni lalo valingilenivyo.

Yowano 13:13

Munjitumbula ngweni Mulongisi na Mwene, co mucinapande vene kunjitumbula ngacije, omwo omu mukemwo vene munjapwa.

Vilinga vya Miluwa 10:34

Co Petulu washangumukile kwendeka ngwendi, “Mwa vushunga vene njinamono ngwange Njambi kesi na kahangu.

Loma 2:11

Omwo Njambi akahisi munu woshe na seteko imo.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kolose 3:25

Co voshe vaka-kulinga vyavivi vakavafweta ku vyuma vyavivi vije valinakulinga, omwo Njambi akasompa munu na munu mu cifwa cimolika.

Kolose 4:1

Eni vashukulu, lingeni mwamuvwa na vushunga kuli vindungo veni. Anukeni ngweni neni muli na Shukulu.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

1 Samwele 15:17

Samwele wamulekele ngwendi, “Nameme waliyongola ngwove kuwesi na seo, oloni unapu u ntwama ya miyati ya Isalele. Shukulu Kalunga wakuvwavesele kupwa mwene ya Isalele,