Efeso 6:6 - Livulu lya Shukulu Kalunga

⁶ Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Efeso 6:6 Iomraidhean Croise

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mako 3:35

Woshe uje alinga cizango ca Njambi ikeye vene napu ndolome yange, na ndokazi yange, na vanana.”

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Efeso 5:17

Ngecivene, kesi mupwe vilema, oloni lingeni vije vyashaka Mwene ngeci muvilinge.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 2:4

Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.

1 Tesalonika 4:3

Njambi ashaka ngeci mupwe vakujela nakupatuka ku vupangala.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Yowano 2:17

Kaye na vyuma vyoshe vilimo vije vanu vashungwiya lilinakwita, oloni vaje valinga cizango ca Njambi vakayoya myaka yoshe.