Efeso 6:21 - Livulu lya Shukulu Kalunga

²¹ Ngecivene, Taikikase, ndolome yetu na ngamba yetu itwazema mu vipangi vya Mwene, akamileka muzimbu woshe wa ali yange, ngeci muzivuke vati njinendukila.

Efeso 6:21 Iomraidhean Croise

Vilinga vya Miluwa 20:4

Co Sopata muna Pihase, uje watundile ku Mbeleya waile amo nendi, na Alisitakase na Sekundase vatundile ku Tesalonika, Ngayase watundile ku Ndembe, Taikikase na Tolofimase, vatundile ku lifuti lya Asiya, na Timateo.

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

Filipu 1:12

Njishaka muzivuke, vakwetu, ngwange vyuma evi vinalingiwa kuli yange vinakwasa kutwala muzimbu wauvwa kulutwe.

Kolose 1:7

Mwalilongesele vya kutetela kwa Njambi kuli Epafalase, ngamba mukwetu itwazema, uje napu muka-kupanga wa kulongwa wa Kilistu ku mutambela wetu.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

2 Timateo 4:12

Co Taikikase njamutumu ku Efeso.

Tito 3:12

Omo njikatuma Aletemase nambe Taikikase kuli yove, co unapande kweseka kwija kuno kuli yange ku Nikopolise, omwo njayongola kukala kuje cisika coshe.

Filimoni 1:16

Co ololo ikeye kesi ndungo lalo, oloni ololo natuvakana ndungo, ikeye napu musamba wa cizemo na ndolome muli Kilistu. Oloni ololo ali na mbwase kuli yange! Co akakala na mbwase yakama lalo kuli yove, vyoshe vivali, ndungo na ndolome muli Mwene!

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.