Efeso 6:19 - Livulu lya Shukulu Kalunga

¹⁹ Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

Efeso 6:19 Iomraidhean Croise

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 14:3

Ngecivene, miluwa vakele kuje simbu yakama, vendekele nakusimpa vyuma vya Mwene, uje washolwele ngeci muzimbu wavo wa kutetele wapwile wa vushunga mukuvana nzili yakulinga vizivukiso na vikomokeso.

Vilinga vya Miluwa 18:26

Washangumukile kwendeka nakusimpa mu sinangonge. Oloni omo Pilisila na Akwila vamuzivile, vamutwalele ku njuvo yavo nakumunangula mwamuvwa ngila ya Njambi.

Vilinga vya Miluwa 19:8

Co Paulu waile mu sinangonge, co a vingonde vitatu wambulwile nakusimpa kuli vanu nakusimutwiya navo nakweseka manene kuvalambelela a Vumwene vwa Njambi.

Vilinga vya Miluwa 2:4

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

Vilinga vya Miluwa 28:31

Wambulwile vya Vumwene vwa Njambi nakulongesa vya Mwene Yesu Kilistu, co wendekele nakusimpa kwoshe na mbunge yakupatuka.

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

Vilinga vya Miluwa 4:29

Co ololo, Shukulu Kalunga, kenga muvali nakutushungwiya, co twane kusimpa yetu vangamba vove, ngeci twambulule lijwi lyove.

Vilinga vya Miluwa 4:31

Co omo vamanesele kulombela, mwela uje vakungulukilile wajajele. Co voshe vashulile na Munzinzime Wakujela, co vambulwile lijwi lya Njambi nakusimpa.

Vilinga vya Miluwa 9:27

Oloni Mbanambasa wamukwasele nakumutwala kuli miluwa. Co wavalumbunwinine muje Saulu wamwene Mwene a ngila na muje Mwene wendekele kuli ikeye. Co lalo wavalekele kusimpa kwa Saulu omo wambulwile mu lizina lya Yesu mu Ndamasiku.

Vilinga vya Miluwa 9:29

Ikeye lalo wasimutwiiye nakulikanangana na vaYunda vaje vendekele ciNgiliki, oloni vashakele kumutsiya.

Loma 15:30

Njimilambelela vakwetu, ali Mwene yetu Yesu Kilistu na a cizemo ca Munzinzime ngwange, likumbasaneni amo nange mukunjilombelela manene kuli Njambi.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

1 Kolinte 1:5

Omwo muli Kilistu vanamipwisa vaka-kufuka mu vyuma vyoshe, kuwezelelako na endekesi yoshe na mana oshe.

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

2 Kolinte 1:11

ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.

2 Kolinte 3:12

Omo tuli na cinyangavili eci, co tunasimpi manene vene.

2 Kolinte 6:11

Vasamba vange va mu Kolinte! Tunendeka kuli yeni mutanya mwelu, vimbunge vyetu vyinashokoloka.

2 Kolinte 7:4

Mwa vushunga njinasimpi manene ali yeni, co lalo njilinakujolela ali yeni! Mu tuyando twetu twoshe njinashulu nevi vyakunjizembeleka, njishulu nakujolela.

2 Kolinte 8:7

Munapu vaka-kufuka vene a vyoshe vije mulinavyo, mukukulaela, mwendekesi na mukuzivisisa na mu lukakateya lweni lwakutukwasa na mu cizemo ceni ali yetu. Ngecivene, tushaka lalo mutwaleleleo mu vipangi evi.

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 3:9

nakumwesa vanu voshe muje vutumbe vwa cisin̄iko ca Njambi vukalingiwa. Njambi uje Ishamatanga wa vyuma vyoshe, washwekele cisin̄iko cendi ku myaka yoshe ya kunima,

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

1 Tesalonika 5:25

Vakwetu, netu tulombeleleni lalo.

2 Tesalonika 3:1

Akukotoka, vakwetu, netu tulombeleleniko lalo ngeci lijwi lya Mwene liye kulutwe nakushandoka vwasi-vwasi ngeci valitambule na kalemeso, ngwe mumwalitambwile akati keni.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Filimoni 1:22

A simbu eyi vene, njivwaesele mulili wakutulila, omwo njilinakuyongola ngwange Njambi akakumbulula malombelo eni voshe, co njikeluka lalo kuli yeni.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.