Efeso 6:16 - Livulu lya Shukulu Kalunga

¹⁶ Simbu yoshe ambateni kukulaela ngwe ntelo, omwo na ikeyo mwase kuzima mikili ya tuhya ya Uje Muka-vuvi.

Efeso 6:16 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

2 Samwele 22:36

Yove Shukulu Kalunga, u muka-kunjinyunga nakunjamena, kunyunga kwove kunanjitsimanesa.

Myaso 120:4

Fweto yeni ikapwa kumyasha mikili ya mashwalale yakuvambuka, na kumyenyeka na manungu a tuhya.

Myaso 7:13

nakuvwaesela cimweja nakunana mikili yendi ya milangi ya tuhya.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Mateo 5:37

Kwendeka kweni kupwe ‘Eyo’ nambe ‘Embwe’ omwo vyoshe vyeka muwezelelako vitunda kuli Liyavola.

2 Kolinte 1:24

Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.

1 Tesalonika 5:19

Kesi muzime Munzinzime Wakujela,

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.