Efeso 5:5 - Livulu lya Shukulu Kalunga

⁵ Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Efeso 5:5 Iomraidhean Croise

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 8:21

Yove kuwesi na mutambela nambe mwela mu vipangi vyetu, omwo mbunge yove kuyesi mwamuvwa ku mesho a Njambi.

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.