Efeso 5:21 - Livulu lya Shukulu Kalunga

²¹ Lyononokeni umo na mukwavo mukusingimika Kilistu.

Efeso 5:21 Iomraidhean Croise

Kushangumuka 16:9

Co kangelo wendekele kuli Hangale ngwendi, “Iluka kuli shukulu yove Salai ukapwe u ndungo yendi vene.”

1 Mizimbu 29:24

Co vamyata voshe, na mashwalale, nameme vana va Ndaviti vakwavo vakulaesele ngeci vakononoka Solomoni akupwa mwene.

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Nehemiya 5:9

Asinoni njendekele ngwange, “Evi mulinakulinga kuvyavwaele! Munapande kwononoka Njambi nakulinga vya vushunga. Co kesi mwane vitozi vetu, ava kesi vaYunda, ngila yakutuyeluwisa.

Visimo 24:21

Munange, singimika Shukulu Kalunga, nakusingimika lalo mwene. Kesi ulipandakane na vanu vaje vaka-kuvatengulukila,

1 Kolinte 16:16

kaveni vuntwama vwa vanu va cifwa ngwe ava, co na cifwa ca vanu veka lalo vaje valinakupanga nakuundangana amo navo.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Efeso 5:22

Eni vanakazi, ononokeni kuli vanalume veni, ngwe kuli Mwene.

Efeso 5:24

Ngecivene, vanakazi vanapande kwononoka kuli vanalume vavo mu vyoshe, ngwe cikungulukilo mucikononoka kuli Kilistu.

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

1 Timateo 2:11

Vanakazi vanapande kulilongesa na kwoloka kuluu na kulikeesa kwoshe.

1 Timateo 3:4

ikeye napande kupwa muka-kunyunga naanga yendi mwamuvwa na vana vendi vapwe vaka-kumwononoka na kasingimiko koshe.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

1 Petulu 2:13

Omwo a lizina lya Mwene, kaleni mwisi ya vanu vaje vali na moko, mwisi ya mwene, uje napu mutwe mukushika,

1 Petulu 2:17

Singimikeni munu woshe, zemeni vasamba veni vaka-kukulaela, komokeni Njambi, co singimikeni vaka-kushwana.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”