Efeso 5:20 - Livulu lya Shukulu Kalunga

²⁰ Simbu yoshe kandeleleni kuli Njambi Tatetu mu vyuma vyoshe mu lizina lya Mwene yetu Yesu Kilistu.

Efeso 5:20 Iomraidhean Croise

Yombi 1:21

Wendekele ngwendi, “Njasemukile mutotototo mwimo lya vanana, njikeluka lalo mutotototo. Shukulu Kalunga wanjanene, co ikeye lalo natambula. Vashangazale lizina lyendi!”

Myaso 34:1

Simbu yoshe njikakandelela Shukulu Kalunga, kunjikalikela kumushangazala.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

1 Kolinte 1:4

Simbu yoshe njikakandelela kuli Njambi omwo yeni, omwo kutetela kuje kwanamyana Njambi ali Kilistu Yesu.

1 Kolinte 15:24

Asinoni kukotoka kukaija, Kilistu akafungulula voshe vaka-kushwana, vaka-moko, na vaka-nzili, co akana Vumwene kuli Ishe Njambi.

Efeso 5:4

Kucamipandele kwendeka majwi a shwamwa, a kutuka nambe a mazilo. Oloni munapande kukandelela lika kuli Njambi.

Filipu 1:3

Njikakandelela kuli Njambi yange omwo ali yeni simbu yoshe njikamiyongola,

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

1 Tesalonika 3:9

Ololo twasa kukandelela kuli Njambi omwo yeni. Tulinakumukandelela akujolela kuje tulinakwo ku mesho endi omwo yeni.

1 Tesalonika 5:18

kandeleleni mu visimbu vyoshe. Eci cikeco cashaka Njambi mukuyoya kweni muli Kilistu Yesu.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

2 Tesalonika 2:13

Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.