Efeso 5:15 - Livulu lya Shukulu Kalunga

¹⁵ Ngecivene, nyanyameni mumuli nakuyoya. Kesi muyoye ngwe vaka-kwonwa mana, oloni ngwe vaka-mana.

Efeso 5:15 Iomraidhean Croise

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Myaso 73:22

njapwile nji cikolokomba na munu wa vunzimba, njapwile nji cinzinda ngwe kasitu kuli yove.

Kutuuka 23:13

“Co tolilileni ku vyuma vyoshe vije vinjendeka kuli yeni yange Kalunga. Kesi mulombele kuli vinjambi veka, kesi muvatumbozole nameme a mazina avo.

Visimo 14:8

Omwo vikajo munu wakunyanyama ali na mana? Omwo azivuka vije vyanapande kulinga. Omwo vikajo cilema wapwa cilema? Omwo akayongola ngeci azivuka vyuma.

Visimo 15:21

Vilema vavwaelela na vulema vwavo, oloni vaka-mana, vakalingi vyuma vya vushunga.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Mateo 25:2

Vatanu vapwile vakweva, co vatanu lalo vapwile vakunyanyama.

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Mateo 8:4

Co Yesu wamulekele ngwendi, “Tolilila! Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Luka 24:25

Co Yesu wendekele kuli vakevo ngwendi, “Eni vilema vaka-kwishwala kukulaela vije vyoshe vivendekele vaka-kwimanena!

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

Ngalatiya 3:1

Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

Ngalatiya 3:3

Vulema vweni vwakufwa vatijo! Mwashangumuka na Munzinzime wa Njambi, kuma ololo mushaka kumanesa mu nzili yeni vavenya ndi?

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:33

Oloni cinenika yeni lalo, munalume woshe napande kuzema munkazi wendi ngwe mwalizema ikeye vavenya, co munakazi woshe napande kusingimika munalume wendi.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.