Efeso 4:31 - Livulu lya Shukulu Kalunga

³¹ Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Efeso 4:31 Iomraidhean Croise

Kushangumuka 27:41

Co Isau wazindile Yakomba, omwo ikeye Yakomba watambwile civezikiso cije capandele kupwa ca Isau. Co Isau wayongwele ngwendi, “Simbu yakulila tate ili muyehi, akeo anjikatsiila ndolome yange Yakomba.”

Kushangumuka 37:21

Omo Luvena wavazivile vendeka ngacije, co wayongwele mwakwovwela Yosefa. Wendekele ngwendi, “Kesi tumutsiye embwe.

Kushangumuka 37:4

Omo vandolome vendi vamwene ngeci ishavo wazemene manene Yosefa kutuvakana vakevo, co vazindile ndolome yavo manene, ngecivene, kuvakele nakwendeka nendi mwamuvwa.

Kushangumuka 4:8

Kaini wendekele kuli ndolome yendi Avele ngwendi, “Tuye nakwimazala mu lihya.” Oloni omo vakele mu lihya, co Kaini watengulukilile ndolome yendi nakumutsiya.

2 Samwele 13:22

Co Avisalome wazindile manene Aminone omwo wawisile ndokazi yendi Tamale nakulinga nendi vuvi, co kendekele nendi lalo.

2 Samwele 19:27

Ikeye wanjikutiiye vya makuli kuli yove shukulu, oloni yove wafwa ngwe kangelo ka Njambi, ngecivene, linga vyoshe vije vinapu vyavivwa kuli yove.

2 Samwele 19:43

Co vaIsalele vakumbulwile vanalume va ku Yunda ngwavo, “Tuli na mitambela likumi muli mwene kutuvakana yeni, omwo vikajo munatushawila ngeci? Kesi yetu vakulivanga kusimutwiya vyakwiluka kwa mwene ndi?” Oloni vanalume va ku Yunda vapangesele majwi a vukalu manene kutuvakana majwi a vanalume va Isalele.

Myaso 101:5

Njikolwesa munu woshe uje afweya mukwavo, kunjikatava munu wa kulyalesa, na mbunge yendi lalo yakulyaka ku vukama, kupwa musamba wange.

Myaso 140:11

Vaje vaka-kuvangeya vakwavo kesi vahyane embwe, vuvi vukayomba vaka-muuka nakuvanyongesa.

Myaso 15:3

uje kesi kwendeka makuli. Kesi kulinga mwamuvi kuli musamba wendi, nambe kesi kupopolola mukwavo.

Myaso 37:8

Kesi ushote mbunge nambe kuluvala! Citwala lika ku tuyando.

Myaso 50:20

Yove uvangeya lika vandolome vove, nakuvatondela mulonga.

Myaso 64:3

Vindaka vyavo vinapu ngwe vimoko vya mbeli, majwi avo amavi anapu ngwe mikili ya vushungu.

Visimo 10:12

Cizindo cikashangumuna vimata, oloni cizemo cifwika milonga yoshe.

Visimo 10:18

Munu muka-kushweka cizindo cendi wapwa muka-makuli, co munu woshe uje afweya napu cilema.

Visimo 14:17

Vanu vaka-kuluvala, vakalingi vyuma vya vulema, oloni vaka-mana vakakala mu kwoloka.

Visimo 18:8

Majwi a muka-kufweya anapu ngwe vyakulya vyakutovala, akakovela mwimo.

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Visimo 25:23

Lufwe lukanena vukalu, ngwe lihunzi lya ku kunto mulikanena nyonzi.

Visimo 26:20

Nga vitale vyai tuhya tuzima, co nga lufwe lwai, kulijokota kulikela.

Visimo 29:22

Vanu vaka-kuluvala-luvala vwasi, vakashangumuna lwozi na vimata.

Visimo 29:9

Omo muka-mana asompa na cilema, oloni cilema koloka alinga muyoyo wakuluvalesa.

Visimo 6:19

vukaleo vwa makuli ali mukwavo, na munu uje muka-kushangumuna vukalu akati ka vakwavo.

Muka-kwambulula 7:9

Kesi uluvale vwasi embwe, omwo vukalu vwakala mu vimbunge vya vilema.

Njelemiya 6:28

Voshe vanapu vakukaluwa vimbunge nakutengulukila, vakukaluwa ngwe vunengu na cikuvo. Voshe vanaviya, vanapu vaka-lufwe.

Njelemiya 9:4

Munu na munu napande kunyunga mukwavo, naumo wai akulaela ndolome yendi, omwo ndolome woshe napu muka-kukwisa ngwe Yakomba, co munu woshe ashaka kufweya musamba wendi.

Vilinga vya Miluwa 21:30

Asinoni citanga cakama cashandokele muje mu nganda mwoshe, co vanu voshe vashatukile amo nakukwata Paulu, vamukokelele anja ya Njuvo ya Shukulu Kalunga. Co vwasi-vwasi vashokele vikolo vya ku Njuvo ya Shukulu Kalunga.

Loma 3:14

Endekesi yavo inashulu na visingo vyakulula.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 5:8

Ngecivene, tulisambeni ciwano cetu, kesi na likende lili na musima walaja wa vuvi na kupenga-penga embwe, oloni na likende lije kulyesi na musima, likende lyakujela na vushunga.

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

Ngalatiya 5:20

mukulemesa tumponya na mu vulozi. Co vanu vakapwa vitozi, vakalwa, co vakapwa vaka-cipululu, vaka-matoto, na vaka-kulyaka ku vukama. Co vakalyangunuka mu vimbunga na mu vimunga,

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Kolose 3:19

Vanalume, zemeni vanakazi veni, co kesi mutenuke.

Kolose 3:8

Oloni ololo munapande kumbila kuti vyuma vyoshe evi, kutenuka, mashungu amavi, na cizindo cacivi. Mu tunwa tweni kumwapandele kutuuka majwi amavi, nambe kutuka.

1 Timateo 3:11

Vanakazi vavo vanapande kupwa va futisi yaivwa, kesi vaka-lufwe, kesi vapwe vaka-kunwa vyakupendesa, oloni vapwe vaka-vushunga mu vyuma vyoshe.

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

1 Timateo 5:13

Co lalo vanalilongesa kumbila simbu yavo mukwendangana ku njuvo na njuvo, oloni nameme ngoco, vanalilongesa lufwe nakulikovelesa mu vyuma vyambala, nakwendeka vyuma vije kuvyavapandele kuvyendeka.

2 Timateo 2:23

Oloni litenge ku vimata vya vulema na vunzimba, wazivuka ngwove kukotoka kwavyo kunapu vimata lika.

2 Timateo 3:3

vakapwa vaka-kukenyuka, vaka-kujeneka kutetela vakwavo, vaka-vukaleo vwa makuli, vaka-muuka, vaka-vukalu, vaka-kuzinda vyavivwa,

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

Tito 2:3

Na kuli vakulunu va vanakazi ngoco lalo vanapande kupwa vaka-kulisingimika ngwe muvakalingi vanakazi vaje vayoya yoyesi yakujela. Kuvapandele kupwa vaka-lufwe nambe vapwe vindungo va vinyu. Vanapande kulongesa vyavivwa

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 3:14

Oloni nga mu mbunge yove mwakala lifuwa na vukalu na kulizema yove vavenya, co kesi ulwise vushunga mu kulyalesa a mana ove.

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

1 Yowano 3:15

Vaje vazinda vakwavo vanapu vaka-kutsiya, co yeni munazivuka ngweni vaka-kutsiya kuvesi na mwonyo wa myaka yoshe.

Kujombolola 12:10

Asinoni njazivile lijwi lyakama lyendekele mwilu ngwalyo, “Ololo kwamena kwa Njambi kunaija! Ololo Njambi namwesa nzili yendi akupwa Mwene! Ololo Wakuvwavesa wendi namwesa moko yendi! Omwo uje wemanene ku mesho a Njambi yetu nakwana milonga vutsiki na mutanya kuli vaka-kukulaela vanamumbila asi kutunda mwilu.