Efeso 4:29 - Livulu lya Shukulu Kalunga

²⁹ Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Efeso 4:29 Iomraidhean Croise

Myaso 45:2

Yove uwamuvwa manene kutuvakana vanalume voshe, u muka-kwendeka na ngozi, visimbu vyoshe Njambi alinakukuvezikisa!

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Myaso 52:2

Utumba matumbe akuviisa vakweni, co ndaka yove inapu ngwe moko ya mbeli. Simbu yoshe u muka-kutunga makuli.

Myaso 71:24

Njikendeka vushunga vwove litangwa lyoshe, omwo vaje vashakele kunjivulumuna, unavafungulula nakuvazivisa shwamwa.

Visimo 12:13

Muka-vuvi akalitela nganjo ikeye vavenya na majwi endi a makuli, oloni muka-kulongwa akalitundisa ikeye vavenya mu vukalu.

Visimo 15:23

Kukumbulula cihula a simbu yaivwa, kunenela vanu kuvwaelela.

Visimo 15:7

Majwi a vaka-mana ashandola mana, oloni vikuyongola kwa vilema kesi kwa mana embwe.

Visimo 16:21

Muka-mbunge ya mana vakamuzivukila akuzivisisa kwendi, vanu vamuzivisisa omwo kuvwaa kwa majwi endi.

Muka-kwambulula 10:12

Majwi akwendeka muka-mana amunenela kasingimiko, oloni majwi akwendeka cilema amunyongesa ikeye vavenya.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Luka 4:22

Co voshe vamushangalele, valikomokelele ku majwi endi endekele, vendekele ngwavo, “Ou kesi ikeye uje muna Yosefa ndi?”

Yowano 1:37

Vandongisi vaje vavali vamuzivile omo wendekele majwi awa, co vakavele Yesu.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

1 Kolinte 14:19

Oloni mu cikungulukilo akulemesa, cili kulutwe kwendeka majwi atanu aje vasa kuziva, mukulongesa veka, kutuvakana kwendeka majwi akupwa 1,000 mu vindaka vyeka.

Efeso 4:12

Walingile eci mukuvwaesela vanu va Njambi vipangi vya vuka-Yesu, mukutunga muvila wa Kilistu.

Efeso 4:16

Ali ikeye vilyo vyoshe vya muvila vilinungakana amolika, co muvila woshe vanautungu amo mu manunga oshe ngwe kuseteko yawo. Ngecivene, omo cilyo cimo na cimo cipanga ngwe ku vipangi vyaco, co muvila woshe wamutunu ulinakukola, co ulinakulitunga ukewo vavenya mu cizemo.

Kolose 4:6

Endekesi yeni simbu yoshe inapande kupwa yaivwa ya mbwase nakuvwaelelesa, co zivukeni vati mu munapande kukumbulwila mwamuvwa kuli vanu voshe.

1 Tesalonika 5:11

Ngecivene, litakameseni umo na mukwavo nakulikwasa umo na mukwavo, ngwe muje mumuli nakulinga ololo.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 3:1

Mu cifwa cimo vene, yeni vanakazi munapande kwononoka kuli vanalume veni, ngeci nga umo wavo kakulaela lijwi lya Njambi, vilinga vyeni vikavakokela kukukulaela,

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.