Efeso 4:26 - Livulu lya Shukulu Kalunga

²⁶ Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Efeso 4:26 Iomraidhean Croise

Myaso 37:8

Kesi ushote mbunge nambe kuluvala! Citwala lika ku tuyando.

Myaso 4:4

Kuluvala kweni, kesi kumitwamenene ku vuvi, omo mulala a malili eni, yongoleni a majwi awa.

Kutuuka 11:8

Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.

Visimo 14:29

Uje kesi kuluvala vwasi, ali na mana akama, oloni muka-mbunge ya vwasi-vwasi, akamwesa lika vulema vwendi.

Visimo 19:11

Nga u muka-mana usimpa mukuluvala kwove, omwo mukweni akuviisila unapande kumusambesa.

Visimo 25:23

Lufwe lukanena vukalu, ngwe lihunzi lya ku kunto mulikanena nyonzi.

Muka-kwambulula 7:9

Kesi uluvale vwasi embwe, omwo vukalu vwakala mu vimbunge vya vilema.

Kulava 20:24

“Alone kakakovela mu lifuti lije linjakulaesele Isalele kuvanalyo, oloni ikeye akatsa, omwo muvuvali vweni mwatengulukilile nakulwisa mashiko ange ku Meliva.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mako 10:14

Oloni omo Yesu wacimwene, waluvalele wendekele kuli vandongisi vendi ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Kwituluka mu Mashiko 24:15

Mukamufwete fweto yendi ya a litangwa na litangwa omo litangwa kanda litoke, omwo ikeye kautu, co naakao mbunge, kutewa akalinyenyetela kuli Shukulu Kalunga, co mukakala na mulonga wa vuvi.

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 1:20

Omwo vukalu vwa munu kuvwesi kuvwaesa vutumbe vwa vushunga vwa Njambi embwe.

1 Samwele 20:34

Co Yonatana wakatukile ku mesa nakuluvala, kalile cuma cimo ku litangwa lije, lyapwile litangwa lyamucivali lya Ciwano ca Kutenama kwa Ngonde. Walinyengele ali Ndaviti, omwo ishe wamushawile.