Efeso 4:24 - Livulu lya Shukulu Kalunga

²⁴ co munapande kuzala vunu vwavuhwa, vuje vuvanatanga mu cifwa ca Njambi, co vunasholoka vukewo vavenya mu mwonyo wa vushunga uje wauvwa nakujela.

Efeso 4:24 Iomraidhean Croise

Kushangumuka 5:1

Eli likelyo livulu lya vatekulwila va Andama. Omo Njambi watangele vanu, wavatangele mu cifwa cendi vavenya.

Yombi 29:14

Njazalele vushunga ngwe vuzalo, co vukevwo vwanjifwikile, co kulongwa kwange kwapwile ngwe cikoveyo cacilaja, nakupwa ngwe cilongo.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Luka 1:75

ngeci tupwe vakujela na vaka-vushunga ku mesho endi, matangwa oshe akuyoya kwetu.

Yowano 17:17

Vakundike kuli yove vavenya mu vushunga, lijwi lyove lyapwa vushunga.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 6:4

Ngecivene, akutumbwitika, vatutsindile amo nendi na kutsa amo nendi, ngeci, ngwe omo Kilistu vamusangwile ku vatsi na vumpau vwa Ishe, ngeci netu tunapande kuyoyela mu mwonyo wauha.

Loma 7:6

Ngecivene, ololo, tunapatuka ku Lishiko, omwo twatsile ku cije catupwisile vinzinda. Kutwesi lalo nakupanga mu ngila yalaja ya lishiko lyakusoneka, oloni mu ngila yaiha ya Munzinzime Wakujela.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

1 Kolinte 15:53

Omwo cije cakuvola cinapande kuzala cije cakujeneka kuvola, cije ca kutsa cinapande kuzala cije cakujeneka kutsa.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 3:27

Vamimbwitikile amo muli Kilistu, co ololo vanamizika na mwonyo wa Kilistu vavenya.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 2:15

Wamanesele lishiko lya vaYunda amo nakushika kwalyo na futisi yalyo, ngeci muli ikeye a miyati ivali atange muyati umolika, ngeci kukale kwoloka.

Efeso 6:11

Zaleni vitwa vyoshe vije vyanamyana Njambi, ngeci mwase kwimana nakulwisa matumbe amavi a Liyavola.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.