Efeso 4:22 - Livulu lya Shukulu Kalunga

²² Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 4:22 Iomraidhean Croise

Yombi 22:23

Eyo, unapande kulilumbilisa nakwiluka kuli Njambi, nakuseza vuvi vwoshe vuje vuli mu njuvo yove.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 49:16

Kulyalesa kweni kunamikwisa. Naumo wai akamizivila manene lyova ngwe mumunayongola. Yeni mwakala akamwa ya mamanya ashongo-shongo ya minkinda, oloni nameme mwakala akamwa ngwe ngonga, Shukulu Kalunga akamiwisila asi. Mukemwo mwanendeka Shukulu Kalunga.”

Ovandiya 1:3

Mbunge yove ya kulyalesa inakukwisa, yove wakala mu cimpaka ca mamanya, nakutungila limbo lyove akamwa ya minkinda, co ulyendekesa mu mbunge yove ngwove, ‘Iyajo asa kunjiwisila asi?’

Loma 6:6

Co twazivuka ngwetu vunu vwetu vwalaja vavushukikile amo na Kilistu a cilindakano, ngeci muvila wa vuvi vaunyongese, ngeci kesi tupwe lalo tu vindungo va vuvi.

Loma 7:11

Omwo vuvi vwawanene mwela, co vuvi vwanjikwisile nakunjitsiya.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

Ngalatiya 1:13

Vamileka laja munjafwile omo njakundamene ku futisi ya vuYunda, muje munjayandesele cikungulukilo ca Njambi kujeneka mema ku mbunge, co njesekele na nzili yange yoshe ngeci njicinyongese.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

1 Petulu 4:3

Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.

2 Petulu 2:13

vakatambula fweto ya n̄avava omwo a n̄avava ije vanenelele vakwavo. Kuvwaelela kwavo kukekwo kulinga cuma cimo mutanya mwelu ngeci vakutise mashungu a mivila yavo, vakevo vakaziva shwamwa nakuviilila omo valipandakana neni akulya, okuco kuvwaelela kwavo kunapu kwa makuli!

2 Petulu 2:7

Ikeye wovwele Lote, muka-vushunga, uje wayandele omwo futisi yaivi ya vanu vakujeneka mashiko.

1 Samwele 1:14

co wendekele kuli ikeye ngwendi, “Tangwa lika ukalikela kupenda? Likele kunwanwanwa vinyu.”