Efeso 4:18 - Livulu lya Shukulu Kalunga

¹⁸ co mana avo ali mu lisusulungu. Vakevo kuvesi na mutambela mu mwonyo uje wakana Njambi, omwo vakevo vali ku nzimba na mukukaluwa kwa vimbunge vyavo.

Efeso 4:18 Iomraidhean Croise

Myaso 74:20

Anuka cikumiiyo cije walikumiiye netu, omwo ku mitambela yoshe ya ano asi kuli lwozi.

Isaya 25:7

A munkinda ou, Shukulu Kalunga akatundisa nanga ya vusiwa ije yafwikile miyati yoshe ya ano a kaye.

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

VaLevi 11:16

na inavilanda, na mwimbi,

Mateo 13:15

omwo mana avo akuzeya, co vanaziki mu matwi avo nakulalameka mesho avo, ngeci mesho avo kesi amone, matwi avo kesi azive, mana avo kesi azivisise, co vakatengulukila kuli yange mukuvakangwisa.’

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 3:17

“Co ololo vakwetu, njinazivuka ngeci vije mwalingile kuli Yesu yeni na vantwama veni vyapwile nzimba.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 11:7

Vationi? Vanu va Isalele kuvawanene cije civakele nakushakezeka. Yapwile mbunga yaindondo lika vaje vaangwile Njambi vakevo vaciwanene, co vaje vasaleleo vapwile tusinda-matwi kukusana kwa Njambi.

Loma 2:19

co unazivuka mwa vushunga ngeci yove unapu ntwama wa tupuputwa, ceke kuli vaje vali mu lisusulungu,

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Kolinte 2:8

Naumo wai muka-kushwana wa ano a kaye wazivukile mana awa. Nga vawazivukile, nga kuvashukikile Mwene wa vumpau.

2 Kolinte 3:14

Mwa vushunga vene mana avo vawashokele nakweta ku litangwa lya lelo mana avo anga vanawafwiki na lilesu lya cifwa cije vene ngwe omo valava mavulu a cikumiiyo calaja. Lilesu eli valitundisa kuvanga omo munu ali muli Kilistu.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.

Efeso 2:1

Laja mwapwile mu vatsi ku munzinzime omwo kumwononokele, co mwalingile vuvi.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Kolose 1:21

A simbu imo yeni mwakele kulyala na Njambi, co mwapwile vitozi vendi omwo vyuma vyavivi vije mwalingile nakuyongola.

1 Tesalonika 4:5

kesi na mashungu amavi, ngwe vaka-kujeneka kukulaela vaje kuvazivuka Njambi.

VaHevelu 5:2

Omwo ikeye nendi wapwa wakuzeya mu vingila vyavingi, ngeci napu mukalyovwa-ovwa mukukwasa vaje vali ku vinzimba vaka-kuvulumuna milonga.

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Yowano 2:11

Oloni nga tuzinda vakwetu, tuli mu lisusulungu, tucili nakwendamo, co kutuzivuka oku tulinakuya, omwo lisusulungu linatupwisa tupuputwa.