Efeso 4:13 - Livulu lya Shukulu Kalunga

¹³ Ngecivene, yetu voshe tukapwa vamolika mukukulaela kumolika na mukuzivuka kwetu kwa Muna Njambi, tukapwa vanu vakukola nakweta ku seteko ije ya ciseteko cakushula ca Kilistu.

Efeso 4:13 Iomraidhean Croise

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Efeso 1:23

Cikungulukilo cinapu muvila wa Kilistu, ikeye kushula kwa uje ashulisa vyuma kwoshe-ikwoshe.

Efeso 2:15

Wamanesele lishiko lya vaYunda amo nakushika kwalyo na futisi yalyo, ngeci muli ikeye a miyati ivali atange muyati umolika, ngeci kukale kwoloka.

Efeso 4:12

Walingile eci mukuvwaesela vanu va Njambi vipangi vya vuka-Yesu, mukutunga muvila wa Kilistu.

Efeso 4:3

Nyungeni mwamuvwa manene kulitombola kwa mbunga ije yanamyana Munzinzime a kwoloka cije cinamikutila amolika muvavoshe.

Efeso 4:5

Kuli Mwene umo, kukulaela kumo, kumbwitika kumo,

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

Kolose 1:28

Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

VaHevelu 5:14

Oloni vyakulya vyakukola vyapwa vya vakulunu, vaje vanalilongesa nakwilula nakwangununa mukati ka vyuma vyavivwa nevi vyavivi.

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.