Efeso 3:11 - Livulu lya Shukulu Kalunga

¹¹ Njambi walingile eci ngwe ku vutumbe vwendi vwa myaka yoshe, vuje vwalingile muli Kilistu Yesu Mwene yetu.

Efeso 3:11 Iomraidhean Croise

Yombi 10:13

Oloni ololo njazivuka ngeci visimbu vyoshe vije wakele na vutumbe vwa mu vushweke vwakunjivulumuna.

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 3:1

Omwo a cuma eci, yange Paulu, cinzinda ca Yesu Kilistu njilomba kuli Njambi omwo ali yeni kesi vaYunda.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,