Efeso 3:1 - Livulu lya Shukulu Kalunga

¹ Omwo a cuma eci, yange Paulu, cinzinda ca Yesu Kilistu njilomba kuli Njambi omwo ali yeni kesi vaYunda.

Efeso 3:1 Iomraidhean Croise

Luka 21:12

Omo simbu kanda vyuma evi visholoke, vakamikwata nakumiyandesa, vakamitwala ku masinangonge avo nakukamisompa nakumyaka mu tumenga, co vakamitwala kuli vimyene na kuli vaka-kushwana omwo lizina lyange.

Vilinga vya Miluwa 21:33

Asinoni uje muka-kushika mashwalale waile kuli Paulu wamukwatele, co washikile ngeci vamukute na malyenge avali. Asinoni wehwile ngwendi, “Iyajo ou munalume? Co vikajo vyanalingi?”

Vilinga vya Miluwa 23:18

Ngecivene, uje mukulunu wamutwalele nakumwetesa kuli uje muka-kushika mashwalale wendekele ngwendi, “Cinzinda Paulu nanjisanene nakunjilomba ngeci njinene ou mukwenje kuli yove, omwo alinavimo vyashaka kukuleka.”

Vilinga vya Miluwa 26:29

Co Paulu wakumbulwile ngwendi, “Nambe mu simbu yaindondo nambe mu simbu yakama, lilombelo lyange kuli Njambi linapu ngeci yove neni voshe mulinakunjitolilila litangwa lya lelo mupwe ngwe yange, oloni kesi na malyenge awa embwe!”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

2 Kolinte 1:6

Nga tuyanda tuyandela kuzembeleka kweni nakwovoka kweni, nambe nga vatuzembeleka, vacilinga neni mukumizembeleka na lukakateya nakusimpa mu tuyando tuje tulinakuyanda netu lalo.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

Ngalatiya 5:11

Oloni ngeci mwange, vakwetu, nga njicitwalao kwambulula ngwange kutuuka kunapu kwakuvwa,omwo vikajo vacili nakunjipakesela? Nga eci capwile ca vushunga, cooni kwambulula kwange kwa cilindakano ca Kilistu nga kucilingisa vitanga.

Ngalatiya 5:2

Tolilileni, yange Paulu njimileka ngwange nga mulyecelela yeni vavenya kutuuka, co eci cinalumbunuka ngeci kuma Kilistu kesi na seo kuli yeni voshe.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 3:11

Njambi walingile eci ngwe ku vutumbe vwendi vwa myaka yoshe, vuje vwalingile muli Kilistu Yesu Mwene yetu.

Efeso 3:13

Ngecivene, njimilomba ngwange kesi muzeye a n̄avava yange njilinakuwana omwo ali yeni, vyoshe evi vinapu vije vimuwanao.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Efeso 6:20

Omwo a lizina lya lijwi eli yange njinapu nji muka-kwimanenako, nambe ololo njili mu kamenga. Lombeleni ngeci njisimpe mukwambulula muzimbu wauvwa ngwe munjinapande.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 4:18

Na livoko lyange vene vavenya njasoneka ngwange, “Viindu vyakutunda kuli Paulu.” Kesi mwivale malyenge ange! Kutetela kwa Njambi kukale amo neni.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

Filimoni 1:1

Mukanda wakutunda kuli yange Paulu, cinzinda ca Kilistu Yesu, unatundu lalo kuli ndolome yetu Timateo. Kuli Filimoni musamba wetu na mukwetu mu vipangi,

Filimoni 1:23

Epafalase, uje ali nange mu kamenga omwo a lizina lya Kilistu Yesu, natumu viindu kuli yeni,

Filimoni 1:9

Oloni omwo cizemo cange kuli yove, njilinakukulambelela. Njilinakulinga evi nambe yange Paulu vene, katumwa wa Kilistu Yesu na simbu ino vene njinapu cinzinda cendi omwo lizina lyendi.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.