Efeso 2:3 - Livulu lya Shukulu Kalunga

³ Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Efeso 2:3 Iomraidhean Croise

Kushangumuka 5:3

Omo Andama wakele na myaka 130 wakitile mwana wa munalume uje walifwile nendi, wamulukile lizina lyendi Seta.

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Yombi 14:4

Cuma nacimo cai cakujela citunda ku cuma cakujeneka kujela ngwe munu.

Yombi 25:4

Kuma munu asa kupwa muka-vushunga, nambe kupwa wakujela ku mesho a Njambi ndi?

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Mako 4:19

oloni akulishoshomwena kwa ano asi, nakuzema vufuko, na vyeka lalo vyavingi vya mashungu akuliseza-seza vivazengeleka vitinikisa lijwi, co kuvasa kwima vushuka.

Yowano 1:13

Vakevo kuvapwile vana va Njambi ku cisemwa ca ano asi embwe, cisemwa cakusemuka ku munalume, oloni Njambi vavenya ikeye wapwile ishavo.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 14:16

Ku myaka ya kunima watavele vanu voshe ngeci vaye mu vingila vyavo vavenya.

Loma 1:24

Ngecivene, Njambi navecelela ngeci valinge vyuma vya mazilo ngwe ku mashungu a vimbunge vyavo, co valinga vyuma vya shwamwa kuli umo na mukwavo.

Loma 11:30

Ngwe ali yeni kesi vaYunda, kumwononokele Njambi ku san̄ulu, oloni ololo munatambula mema ku mbunge a Njambi omwo akujeneka kwononoka kwa vaYunda.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 2:14

Omwo vaje kesi vaYunda kuvesi na Lishiko, oloni oshe aje valinga na mana mwaya Lishiko, vakevo vavenya vanapu lishiko lyavo, nameme kuvesi na Lishiko.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Loma 5:9

A n̄ombelo ya kutsa kwendi ololo vanatupwisa vaka-vushunga ku mesho a Njambi, ngecivene, cikahyana manene Kilistu kutwamena ku vukalu vwa Njambi!

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 7:18

Omwo njazivuka ngwange kumwesi vuvwa muli yange, mu vusitu vwange. Nameme muli yange muli lishungu lyakulinga vyavivwa, oloni kunjasa kulingamo.

Loma 9:22

Co eci cinapu ca vushunga a vije vyanalingi Njambi. Njambi washakele kumwesa vukalu vwendi nakusholola nzili yendi. Oloni wasimpile nakuyanda ali vaje wakengele na vukalu, vaje wapandele kunyongesa.

1 Kolinte 4:7

Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 3:22

Oloni visoneka vyendeka ngwavyo kaye koshe kali mwisi ya nzili ya vuvi, co vwana vwa cikulaeso vwa kukulaela muli Yesu Kilistu vanavwana kuli vaje vakulaela.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Kolose 1:21

A simbu imo yeni mwakele kulyala na Njambi, co mwapwile vitozi vendi omwo vyuma vyavivi vije mwalingile nakuyongola.

1 Tesalonika 4:13

Vakwetu, tushaka muzivuke vushunga ali vaje vanatsi, ngeci kesi mukale na vusiwa, ngwe vaje kuvesi na cinyangavili.

1 Tesalonika 5:6

Ngecivene, kutwapandele kulala tulo ngwe veka, tunapande kutona nakulikongomeka.

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

1 Yowano 2:16

Omwo vyuma vyoshe vije vyakundama ku kaye, vije vishungwiya mashungu amavi a vunu, vije vanu vamona nakuvishungwiya na vyuma vyoshe vya muno mu kaye vije vanu vali na kulyalesa navyo, nacimo cai ali evi catunda kuli Tate, vyoshe evi vyatunda mu kaye.

1 Yowano 2:8

Nameme ngoco, lishiko linjilinakumisonekela linapu lyaliha, omwo vushunga vwalyo vanavumono muli Kilistu na muli yeni lalo. Omwo lisusulungu lilinakwita, co ceke ca vushunga cinashangumuka laja kutwa.