Efeso 2:18 - Livulu lya Shukulu Kalunga

¹⁸ Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Efeso 2:18 Iomraidhean Croise

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Yowano 10:7

Ngecivene, Yesu wendekele lalo ngwendi, “Mwa vushunga njimileka ngwange, yange cikolo ca vimanga.

Yowano 10:9

Yange cikolo. Woshe akovela muli yange akovoka, co akakovela nakutuuka, co akawana kwakulila.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Efeso 3:12

Akukala muli ikeye na akukulaela kwetu muli ikeye, twasa kuya ku mesho a Njambi nakusimpa kwoshe.

Efeso 3:14

Omwo a cuma eci, njilinakutsikama a mavuli ange ku mesho a Tate,

Efeso 4:4

Kuli muvila umo na Munzinzime umo, ngwe ngeci mukuli cinyangavili cimo kuje Njambi namisanena.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

Yakomba 3:9

Tuyipangesa mukukandelela kuli Mwene yetu na Tatetu, co na ikeyo lalo itukasingi nayo vakwetu vanu, vaje vavatangele mu cifwa ca Njambi!

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

Yunda 1:20

Oloni yeni vasamba vange, koleseni mukukulaela kweni kwakujela. Co lombeleni nzili ya Munzinzime Wakujela,