Efeso 2:12 - Livulu lya Shukulu Kalunga

¹² A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Efeso 2:12 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

2 Mizimbu 15:3

VaIsalele vakele simbu yakama vajenekele Njambi wa vushunga, vajenekele vaka-kukombelela ngeci vavalongese, lalo vajenekele lishiko.

Ezela 4:3

Oloni Zelumbambele, na Yoshwa, na vakulunu va vikota vavalekele ngwavo, “Kutushaka ngeci mutukwase kutunga Njuvo ya Shukulu Kalunga, Njambi yetu. Tukaitunga yetu vavenya, ngwe mwatushikile Siluse mwene wa Pelesha.”

Kutuuka 12:45

Oloni munu uje naija nakukala neni kasimbu lika, nambe uje naija lika mukupanga, kesi alyeko.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 61:5

Vanu vange, vaka-kwija vakamipangela. Vakanyunga matanga eni nakulima mahya eni nakunyunga miti ya vinyu.

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Ezekiyele 13:9

Ololo njiminyanyamesa yeni vaka-kwimanena va vimona vya makuli, nakwambulula vuka-kwimanena vwakutanganesa. Kumukakalako, omo vanu vange vakalikungulula nakutumba matumbe, co mazina eni kuvakaakako ku mukana wa mazina a vandambo va Isalele, kumukeluka ku lifuti lyeni. Asinoni mukazivuka ngeci yange Kalunga wa Akamwa ya Vyoshe.

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

Ezekiyele 47:22

co mukalitavwilalyo ngeci likapwe vufuko vweni vwa ku myaka yoshe. Co vaka-kwija vaje valinakukala akati keni, vaje vali na vana vavo vasemukila muno, na vakevo lalo vakatambuleko mutambela wavo omo mukalipangezelalyo. Na vakevo vakengeni ngwe vavushoko vweni va Isalele, co vakata n̄ela ngeci vakakale na vufuko akati ka Isalele ngwe yeni vene.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Kulava 18:19

“Vin̄ombelo vyakukundika vyoshe vije vanu va Isalele vakakombelela kuli yange Kalunga njinavyana kuli yove na kuli vana vove va vanalume, na ava va vanakazi, kupwa mulambu weni ku myaka yoshe. Eci cikeco cikumiiyo ca mwongwa ca kuhwa ku mesho ange Kalunga, kuli yove na ku vatekulwila vove voshe.”

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

Yowano 15:5

“Yange mukolovozi wa vinyu, yeni munapu minango. Woshe akala muli yange, co nange njikala muli ikeye, ikeye akaima vushuka vwavungi, omwo mweni lika kumwasa kulinga cuma nacimo cai.

Yowano 4:22

Yeni vaSamaliya kumuzivuka uje imulemesa, oloni yetu vaYunda tuzivuka uje itulemesa, omwo kwamena kwatunda kuli vaYunda.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Vilinga vya Miluwa 28:20

Omwo a cuma eci cikeco njamisanena ngeci njimimone nakwendeka neni. Yange njili mu malyenge awa omwo lizina lyou muje muvanaaka cinyangavili vanu va Isalele.”

Vilinga vya Miluwa 3:25

Vikulaeso vya Njambi ali vaka-kwimanena vinapu vyeni, co muli na mutambela mu lizivasano lije lyalingile Njambi na vakukulwila veni. Ngwe mwendekele kuli Avilahama ngwendi, ‘Ku mbuto yove miyati yoshe ya ano asi vakavezika.’

Loma 9:8

Eci cinalumbunuka ngeci vana vaje vanasemuka ku cisemwa ca vunu kesi vana va Njambi, oloni vanu vaje vanasemuka omwo cikulaeso ca Njambi vakevo vavatumbula vatekulwila va vushunga.

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.

Efeso 2:19

Ngecivene, yeni kesi vaYunda kumwapwile lalo mu vangenzi nambe vaka-kwija embwe, yeni ololo munapu mu vandambo amo na vanu va Njambi, yeni ololo munapu naanga ya Njambi.

Efeso 4:18

co mana avo ali mu lisusulungu. Vakevo kuvesi na mutambela mu mwonyo uje wakana Njambi, omwo vakevo vali ku nzimba na mukukaluwa kwa vimbunge vyavo.

Kolose 1:21

A simbu imo yeni mwakele kulyala na Njambi, co mwapwile vitozi vendi omwo vyuma vyavivi vije mwalingile nakuyongola.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

1 Tesalonika 4:13

Vakwetu, tushaka muzivuke vushunga ali vaje vanatsi, ngeci kesi mukale na vusiwa, ngwe vaje kuvesi na cinyangavili.

1 Tesalonika 4:5

kesi na mashungu amavi, ngwe vaka-kujeneka kukulaela vaje kuvazivuka Njambi.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

VaHevelu 11:34

vazimine tuhya twatukalu, co vaputumukile kukuvatapa na mukwale. Vapwile vaka-kuzeya oloni vemukile vaka-nzili, vapwile vaka-nzili mu nzita, co vahyanene mashwalale va vangenzi.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

VaHevelu 8:6

Oloni ololo, Yesu vamwanene vipangi vya muka-kukombelela vije vyakama manene kutuvakana vipangi vyavo, ngwe ku cikumiiyo cije cavwaesele mukati ka vanu na Njambi cacivwa manene, omwo cinemanena a cikulaeso ca vyuma vyavivwa.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.