Efeso 2:11 - Livulu lya Shukulu Kalunga

¹¹ Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Efeso 2:11 Iomraidhean Croise

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Loma 2:26

Nga uje kesi kaYunda, uje katuukile, ononoka vije Lishiko lilinakushika, kuma Njambi kakamunyungu ngwe muka-kutuuka ndi?

Loma 2:27

Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa.

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Ngalatiya 2:15

Mwa vushunga, yetu tunapu tu vaYunda ku cisemwa kesi yetu “vaje kesi vaYunda vaka-vuvi,” ngwe muvali nakuvatumbula.

Ngalatiya 6:12

Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

Kwituluka mu Mashiko 15:15

Mwanuke ngeci neni mwapwile mu vinzinda mu lifuti lya Ingito, co Shukulu Kalunga Njambi yeni wamikulile, mukemwo njinamishiki mashiko awa ku litangwa lya lelo.

Kwituluka mu Mashiko 16:12

Mukanuke ngeci neni mwapwile mu vinzinda mu lifuti lya Ingito, co mukanyanyame nakunyunga vizilika evi.

Kwituluka mu Mashiko 5:15

Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Kolose 1:21

A simbu imo yeni mwakele kulyala na Njambi, co mwapwile vitozi vendi omwo vyuma vyavivi vije mwalingile nakuyongola.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.