Efeso 1:6 - Livulu lya Shukulu Kalunga

⁶ Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 1:6 Iomraidhean Croise

Myaso 22:20

Njamene ku moko ya mukwale, amena mwonyo wange ku vitozi.

Myaso 60:5

Twamene na nzili yove, co kumbulula malombelo etu, ngeci vaje vanu vawazema vavamene.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 10:17

“Omwo Tate anjizema njili na cizango cakwecela mwonyo wange, ngeci njiwutambule lalo.

Yowano 3:35

Ishe wazema Mwana, co naaka vyuma vyoshe mu mavoko endi.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

Filipu 4:19

Co Njambi yange akamyana vyuma vyoshe vije mushaka ngwe kukujeneka kweni muli Kilistu Yesu.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.