Efeso 1:5 - Livulu lya Shukulu Kalunga

⁵ Njambi waciyongwele laja ngeci ali Yesu Kilistu ikeye akatupwisa tu vana vendi, eci capwile cakumuvwasa na vutumbe vwendi vavenya.

Efeso 1:5 Iomraidhean Croise

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Njelemiya 3:4

“Co ololo wendeka kuli yange ngwove, ‘Yove u tate wanjizema tunde ku vwanike vwange.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Mateo 1:25

Oloni kakele amo nendi noo wakitile munendi wa munalume, co wamulukile lizina lya Yesu.

Mateo 11:26

Mukemwo vene Tate, mucavwaela ku mesho ove.

Luka 10:21

A simbu ije vene Yesu washulile nakujolela kwa Munzinzime Wakujela, co wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana. Mukemwo vene Tate, mucavwaela ku mesho ove.

Luka 11:32

A Litangwa Lyakusompa vaka-Nenevayi vakakatuka nakumihisa, omwo vakevo vatengulukile ku vingila vyavo vyavivi omo vazivile kwambulula kwa Yona, co njimileka ngwange kuli cuma cimo kuno cakama cinatuvakana Yona!

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 11:52

co kesi vakevo lika embwe, oloni akungulwile amo vanu va Njambi mu muvila umo vaje vanashandokela kweka.

Yowano 20:17

Yesu wamulekele ngwendi, “Kesi unjikwate, omwo kanda njilonde kwilu kuli Tate. Oloni ya kuli vasamba vange ukavaleke ngwove njilinakwiluka kuli Tate ikeye Ishavo, kuli Njambi yange ikeye Njambi yavo.”

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

1 Kolinte 1:1

Mukanda wakutunda kuli Paulu, uje ivasanene ku cizango ca Njambi kupwa muluwa wa Kilistu Yesu, na ndolome yetu Sosetenese.

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

Kolose 1:19

Omwo vwapwile vutumbe vwa Njambi ngeci muli Mwana mukale cifwa coshe ca Njambi.

2 Tesalonika 1:11

Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.