Efeso 1:19 - Livulu lya Shukulu Kalunga

¹⁹ na nzili yendi yakama ije ilinakupanga muli yetu yetu vaje vakulaela. Nzili eyi ilinakupanga muli yetu inapu nzili yakututakamesa,

Efeso 1:19 Iomraidhean Croise

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Yowano 3:6

Munu akatambula cifwa cendi ca vunu ku visemi vendi, oloni Munzinzime Wakujela ikeye amulingisa ngeci asemuke ku Munzinzime.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

Efeso 3:7

Vanjipwisile ngamba ya muzimbu wauvwa a vwana vwa Njambi vwakama, vuje vwanjanene a vipangi vya nzili yendi.

Efeso 6:10

Akukotoka, koleseniko muli Mwene na mu nzili ya vukama vwendi.

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

2 Tesalonika 1:11

Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.