Efeso 1:14 - Livulu lya Shukulu Kalunga

¹⁴ Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 1:14 Iomraidhean Croise

Myaso 74:2

Anuka vanu vove vaje vawalyangwilile tunde ku san̄ulu, vaje vawatundisile mu vunzinda kupwa muyati wove. Anuka Munkinda wa Siyone limbo lyove!

Myaso 78:54

Co wavanenele ku lifuti lyendi lyakujela, ku minkinda ije yafungulwile ikeye vavenya.

Luka 21:28

Omo vyuma evi vikashangumuka kulingiwa, katukeni mukenge kwilu, omwo kupatuka kweni kuli muyehi.”

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

2 Kolinte 5:5

Njambi ikeye natuvwaesela kwimuka oku, co natwana Munzinzime wendi ngwe cishimbikiya ca vyoshe vije natutulikila.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.