Efeso 1:11 - Livulu lya Shukulu Kalunga

¹¹ Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:11 Iomraidhean Croise

Yombi 12:13

Tukulukazi vakazivisisa, oloni Njambi akazivisa, co wakala na nzili yakulinga cuma.

Yombi 33:29

“Evi vyoshe Njambi avilinga ku munu luvali nambe lutatu,

Myaso 37:18

Shukulu Kalunga akanyungu vaje vamwononoka, co lifuti likapwa lyavo ku myaka yoshe.

Visimo 8:14

Njikatumbu matumbe nakuwalinga, nji muka-kuzivisisa, co njapwa muka-nzili.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Njelemiya 23:18

Njendekele ngwange, “Naumo wai wa ali ava vaka-kwimanena nazivuka viyongola vya Shukulu Kalunga vya mu vushweke. Naumo wai wa ali vakevo waziva laja nambe kuzivisisa lijwi lyendi, nambe kutolilila, nambe kumbako mbunge kuli vije vyendekele.

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Zakaliya 6:13

Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Vilinga vya Miluwa 4:28

Valikungulwile nakulinga vyoshe vije viwashakele laja na nzili yove na cizango cove ngeci vikalingiwe.

Loma 11:34

Ngwe muvyendeka visoneka ngwavyo, “Iyajo azivuka mana a Shukulu Kalunga? Iyajo asa kumunangula?

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

Ngalatiya 3:18

Omwo nga vwana vwa Njambi vujendamena a Mashiko, co kuvukakala lalo a cikulaeso cendi embwe. Nameme ngoco, omwo a cikulaeso cendi ngeci Njambi wanene vuje vwana kuli Avilahama.

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 1:5

Njambi waciyongwele laja ngeci ali Yesu Kilistu ikeye akatupwisa tu vana vendi, eci capwile cakumuvwasa na vutumbe vwendi vavenya.

Efeso 1:8

vije vyanatwana mu seteko yakama! Mu mana endi oshe na mukuzivuka kwendi kwoshe

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 3:11

Njambi walingile eci ngwe ku vutumbe vwendi vwa myaka yoshe, vuje vwalingile muli Kilistu Yesu Mwene yetu.

Kwituluka mu Mashiko 4:20

Oloni yeni mwapwa mu vanu vaje vapatwile Shukulu Kalunga mu Ingito, muje mwakele mu tuyando ngwe tuhya twa lutengo twakushukuma. Ikeye wamitundisile muje nakumipwisa vanu vendi, ngwe mumunafu lelo.

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 3:7

ngeci a kutetela kwendi vatupwise vaka-vushunga ku mesho a Njambi nakutwana mwonyo wa myaka yoshe uje tulinakukengezeka.

VaHevelu 6:17

Njambi omo washakele kucisholola mwamuvwa kuli vaje vashakela kutambula cikulaeso cije, co wakulaesele ngeci kashaka lalo kutengulula vutumbe vwendi, ngecivene, wawezeleleleko lalo kulisinga ku cikulaeso cendi.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 1:4

co yetu tulinakukengelela kulutwe tukafuke vufuko vwa vivezikiso vije Njambi natulikila vanu vendi. Namitulikilavyo mwilu, kuje kuvyasa kusosonyoka nambe kuviya nambe kupiluka.

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.