Amose 9:8 - Livulu lya Shukulu Kalunga

⁸ Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.

Amose 9:8 Iomraidhean Croise

Kushangumuka 6:7

ngeci wendekele ngwendi, “Njikanyongesa vanu voshe ava njatangele, amolika na tusitu na tuzila, njalisimoka omwo njavatangele.”

Kushangumuka 7:4

Kunasala lika matangwa atanu na avali, co njikanyokesa nyonzi ije ikanyoka matangwa makumi awana mutanya na vutsiki, njikanyongesa vyakuyoya vyoshe vije vinjatangele.”

1 Vimyene 13:34

Co vuvi ovu vwanenele luvinda lwakama ali Yelovowame nakunyongesa muyati wendi.

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Amose 3:12

Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Amose 7:17

Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”

Amose 9:10

Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”

Amose 9:4

Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

Kwituluka mu Mashiko 6:15

Kesi mukalemese vinjambi veka, kutewa mukashambeya vukalu vwa Shukulu Kalunga Njambi yeni, omwo Shukulu Kalunga Njambi yeni, ou ali akati keni, ikeye Njambi wa lifuwa, co akaminyongesa njwa.