Amose 9:3 - Livulu lya Shukulu Kalunga

³ Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga ngeci avashume.

Amose 9:3 Iomraidhean Croise

Kushangumuka 3:8

Ku cingwezi vazivile Shukulu Kalunga Njambi alinakwenda mu lihya, co vavandele mukati ka miti.

2 Samwele 22:46

Kusimpa kwavo kulinakuhwa, valinakwija nakujaja kutunda mu vimpaka vyavo.

Yombi 22:13

Co yove ukehula ngwove, ‘Vikajo Njambi vyazivuka? Ikeye wavanda mu mashelwa, co vatijo asa kutusompa?’

Yombi 34:22

Kukwesi lisusulungu lyakuzivala vwii lyasa kushweka muka-vuvi ku mesho a Njambi.

Myaso 68:23

ngeci mukenda mu maninga avo, co tutali tweni vakakacula maninga avo.”

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Amose 1:2

Amose wendekele ngwendi, “Shukulu Kalunga alinakwaana ngwe ndumba ku Siyone, lijwi lyendi lilinakuluma ku Yelusalema. Vulilo vunominina cau, na mwila wa a Munkinda wa Kalemele unavenguluka ngengu!” Silya