Amose 9:15 - Livulu lya Shukulu Kalunga

¹⁵ Njikaka vanu vange mu lifuti lije linjavanene, co naumo wai akavatundisamo lalo.” Shukulu Kalunga Njambi yeni ikeye nendekamo.

Amose 9:15 Iomraidhean Croise

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Ezekiyele 34:28

Miyati ya vaka-kujeneka kukulaela kuvakavevila, co vikashama va mu shwata kuvakavatsii nakuvalya. Vakakala mu kwoloka, co naumo wai akavazivisa lalo lyova.

Ezekiyele 37:21

Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Njwele 3:20

Yunda na Yelusalema vikakala na vanu simbu yoshe.

Mika 4:4

Vakakala mu kwoloka akati ka mikolovozi ya vushuka vwa vinyu yavo na miti ya mikuyu yavo, co naumo wai akavazivisa lyova. Shukulu Kalunga muka-nzili yoshe nakulaesa eci.