Amose 9:14 - Livulu lya Shukulu Kalunga

¹⁴ Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Amose 9:14 Iomraidhean Croise

Myaso 107:37

Vanu vakuvile vimbuto mu mahya nakukuna mikolovozi ya vushuka vwa vinyu, co vatejele nakuungulula vimbuto vyavingi.

Myaso 53:6

Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Isaya 60:4

Kenga mesho ove noku-noku, umone vije vilinakulingiwa, vanu vove valinakukunguluka vaije kwimbo! Vana vove va vanalume vakatunda kulyala, vana vove va vanakazi vakavambata ngwe vana vavandondo.

Isaya 61:4

Vakatungulula vinganda vije vyapwile vingundu.

Isaya 65:21

Vanu vange vakatunga vinjuvo vyavo, co vakakuna vitungu vya mikolovozi ya vushuka vwa vinyu nakulya vushuka vwakwo.

Njelemiya 12:15

Oloni omo njinavatundisamo, njikavazivila mema ku mbunge, nakuvelwisila lalo mu lifuti lyavo.

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Ezekiyele 16:53

Shukulu Kalunga wendekele ku Yelusalema ngwendi, “Njikavezikisa Sondoma na membo endi, na Samaliya na membo endi. Eyo, nove lalo njikakuvezikisa.

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Ezekiyele 37:21

Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Zefaniya 1:13

Vufuko vwavo vakavupukula, co vinjuvo vyavo vakavinyongesa. Vakatunga vinjuvo, oloni kuvakakalamo nambe kunwa vinyu vya mu vitungu vya mikolovozi ya vushuka vwa vinyu vije vakatombeka.”

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.