Amose 9:13 - Livulu lya Shukulu Kalunga

¹³ Shukulu Kalunga alinakwendeka ngwendi, “Matangwa akaija, omo vimbuto vikamena vwasi-vwasi ngeci simbu yakuviteja ikapwa yaindondo, na mikolovozi ya vushuka vwa vinyu, ikasalao kutunda ku mwaka umo nakweta ku mwaka ukwavo. Mikolovozi ya vushuka vwa vinyu ikafwika a minkinda, na a malundu akakala lalo mikolovozi ya vushuka vwa vinyu.

Amose 9:13 Iomraidhean Croise

Kushangumuka 49:11

Ikeye akakuta muna cimulu cendi ku mukolovozi wa vushuka vwa vinyu, ukewo wapwa wauvwa manene ku mikolovozi ya vushuka vwa vinyu. Ikeye akakushu vuzalo vwendi mu vinyu vyakuvenga ngwe maninga.

Myaso 97:5

Malundu asosonyoka ngwe sela ku mesho a Shukulu Kalunga wa kaye koshe.

Isaya 16:10

Naumo wai alinakuvwaelela mu mahya a vwilo. Naumo wai alinakutambeka nambe kwimba myaso mu vitungu vya mikolovozi ya vushuka vwa vinyu, naumo wai alinakulyatangela vushuka vwakulivanga vwa vinyu, Njambi namanesa mitambi yakujolela yoshe.

Isaya 55:13

Miti ya sipelese na cinyota ikamena mu mutambela muje mwakele mambimbo. Miti eyi ikapwa cizivukiso ca vumpau vwa Shukulu Kalunga ku myaka yoshe.”

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Ezekiyele 36:35

Munu woshe akasimutwiya a lifuti lije lyapwile mambo yangoco, ololo linemuka kupwa ngwe Lihya lya Endeni, na vinganda vije vyasiwukile nakuvipukula, co vyasalele mupulungwa, oloni ololo vanavikolesa na vimpaka.

Njwele 2:24

Majungwilo eni akashula na vimbuto, co viteke vije vili kumikulo ya vikamwino vya vinyu vikashumuka na vinyu na mazi a olive.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Njwele 3:20

Yunda na Yelusalema vikakala na vanu simbu yoshe.

VaLevi 26:5

Ngecivene, vimbuto vyeni vikatuma manene, mukalya simbu yoshe nakukuta, noo a simbu yakuvuya vushuka, co mukavuya vushuka noo a simbu yakulima vimbuto, co mukakala mwamuvwa mu lifuti lyeni.

Amose 9:5

Shukulu Kalunga wa Akamwa ya Vyoshe ikeye akwata asi oshe, co asi ajaja, co voshe valiho valinyenga na vusiwa. Kaye koshe kakajalela nakunyekumuka ngwe Ndonga ya Nailo.

Yowano 4:35

Kuma kumwesi kwendeka ngweni, ‘Kwasala vingonde viwana, co simbu ya kuteja yeta.’ Oloni njimileka ngwange, kengeni mu mahya, vimbuto vinahi laja ngeci vaviteje!

Maako 5:5

Minkinda yajajele ku mesho a Shukulu Kalunga wa Sinai, ku mesho a Shukulu Kalunga Njambi ya Isalele.