Amose 8:5 - Livulu lya Shukulu Kalunga

⁵ Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Amose 8:5 Iomraidhean Croise

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

Kutuuka 31:13

kuleka vanu va Isalele ngwendi, “Nyungeni Litangwa Lyakuhwima, omwo likelyo lyapwa cimweso akati keni nange ku visemwa vyeni vyoshe vya kulutwe, mukumimwesa ngeci yange Kalunga njinamipwisa vanu vange.

Visimo 11:1

Shukulu Kalunga wazinda vanu vaje vapangesa vipeseleso vya makuli, oloni avwaelela na vipeseleso vyavivwa.

Visimo 16:11

Shukulu Kalunga ashaka kupeselesa nakweseka kupwe kwa vushunga, ndando yoshe lalo inapande kupwa yaivwa.

Visimo 20:23

Vulemu vwa vipeseleso vya makuli, na vipeseleso vya makuli vyapwa vya vunyengwe ku mesho a Shukulu Kalunga.

Isaya 1:13

Cinapu cangoco kunena vin̄ombelo vyeni. Njilinakuziva vunyengwe a insense muli nakwenyeka. Viwano vyeni vya Kutenama kwa Ngonde, na Matangwa Akuhwima eni, na viwano vyeni vya vuNjambi, vyoshe vinaviya na vuvi vweni.

Isaya 58:13

Shukulu Kalunga alinakwendeka ngwendi, “Nga munyunga Litangwa Lyakuhwima kupwa lyakujela, co mulikela kukava mashungu eni vavenya a litangwa lije, nga musingimika litangwa lyange lyakujela nakulyononoka nakulikela kwenda, nakupanga, nambe kwendeka mumunashakela a litangwa lije,

Hoziya 12:7

Shukulu Kalunga alinakwendeka ngwendi, “Vanu va mu Isalele vanapu ngwe vaka-Kanana vakujeneka kwononoka, vazema kukwisa vanu vaje vaija mukulanda kuli vakevo na vipeseleso vya makuli.

Hoziya 12:8

Vendeka ngwavo, ‘Tunapu vaka-kufuka. Tunavezika. Co naumo wai akatwana mulonga a vufuko ovu vwoshe tunawana mu ngila ya makuli.’

VaLevi 19:36

Pangeseni vipeseleso vinapandemo vyavivwa na vulemu vwavyo vwavuvwa, pangeseni seteko ya vinganja na malonga ije inapandemo. Yange njapwa Kalunga Njambi yeni, uje wamitundisile mu lifuti lya Ingito.

Zakaliya 5:6

Co njamwihwile ngwange, “Cuma mukajo?” Wanjikumbulwile ngwendi, “Mutonga, unemanena vuvi vwa lifuti lyoshe.”

Zakaliya 5:8

Co uje kangelo wendekele ngwendi, “Ou munakazi nemanena vuvi.” Asinoni wasindikilile uje munakazi mu mutonga, co wafwikileko lalo cifwiko.

Malakiya 1:13

Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Kulava 10:10

Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.

1 Samwele 20:5

Ndaviti wamukumbulwile ngwendi, “Imene kuli Ciwano ca Kutenama kwa Ngonde, njinapandele kukalya na mwene. Oloni nga utava, co njikaya nakuvanda mu shwata noo indele cingwezi.