Amose 8:12 - Livulu lya Shukulu Kalunga

¹² Vanu vakendangana kutunda ku Lishali lya Mwongwa nakweta ku Lishali lya Menditelenyani, asinoni vakatunda ku kunto nakweta mu ngangela. Vakashakezeka lijwi lya Shukulu Kalunga noku-noku, oloni kuvakaliwana.

Amose 8:12 Iomraidhean Croise

Visimo 1:28

Asinoni mukasana mana, oloni kunjikamikumbulula, mukanjishakezeka noku-noku, oloni kumukanjiwana.

Visimo 14:6

Vanu vaka-kulyalesa kuvasa kupwa vaka-mana, oloni cacasi kuli vihwanga kulilongesa.

Visimo 29:18

Muyati wakujeneka kutwamenena kuli Njambi vanapu muyati wakujeneka lishiko, vavezika vanu vaje vanyunga lishiko lya Njambi.

Ezekiyele 20:3

“Muna munu, endeka kuli vanu ava nakuvaleka ngwove Shukulu Kalunga wa Akamwa ya Vyoshe alinakwendeka ngwendi, ‘Munaija nakwihula cizango cange, indi vati? Mwa vushunga akupwa nji Njambi wakuyoya, kunjikamitava kunjihula cuma cimo embwe,’ munjinendeka yange Kalunga wa Akamwa ya Vyoshe.

Ezekiyele 20:31

Nameme ku litangwa lya lelo vene mucili nakwana vwana vwa cifwa cimo, nakulijwalesa na tumponya tuje vene akukombelela vana veni ku tumponya mu tuhya. Co yeni lalo vaIsalele mucili nakwija nakwihula vati mucapwa cizango cange! Mwa vushunga vene omo yange njapwa Kalunga wa Akamwa ya Vyoshe, Njambi wakuyoya, kunjikamitava ngeci munjihule cuma cimo embwe.

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Hoziya 5:6

Co vatwala vimanga vavo na vingombe mukukombelela kuli Shukulu Kalunga, oloni valinakulipesa ngoco. Kuvasa kumuwana, omwo navaseza.

Mateo 12:30

“Woshe uje kesi amo nange, mwa vushunga vene ikeye muka-n̄ole yange, woshe uje kakungulula amo nange, mwa vushunga vene ikeye ashandola.

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.