Amose 7:9 - Livulu lya Shukulu Kalunga

⁹ Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Amose 7:9 Iomraidhean Croise

Kushangumuka 46:1

Ngecivene, Yakomba walongekeyeye vivala vyendi vyoshe, waile ku Mbeleshemba, kuje wakakombelelele n̄ombelo kuli Njambi ya ishe Isake.

2 Vimyene 14:24

Ikeye walingile vuvi ku mesho a Shukulu Kalunga, co wakavangeyeye vilinga vyavivi vya Mwene Yelovowame muna Nembate uje yashwanene, uje watwamenenene Isalele mu vuvi.

Isaya 63:18

Yetu, vanu vove vakujela, vitozi vetu vatutundisile mu lifuti lyetu kasimbu kakandondo lika, vitozi vetu vasiwile Njuvo yove yakujela.

Njelemiya 51:51

Mwendeka ngweni, ‘Vanatuzivisa shwamwa nakutuviisa, mwa vushunga tunazivi shwamwa, omwo vaka-kwija vanambata mitambela yakujela ya mu Njuvo ya Shukulu Kalunga.’

Ezekiyele 6:3

Leka minkinda ya Isalele ngeci izive lijwi lya Shukulu Kalunga, izive vije yange Kalunga wa Akamwa ya Vyoshe njendeka ku minkinda, na ku malundu, na ku mingulunga, na ku vimbongo ngwange, ‘Njikatuma mukwale mukunyongesa mitambela kuje kuvakalemesa vanu tumponya.

Hoziya 10:8

Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Amose 5:5

Kesi muye ku Mbeleshemba nakukalemeselako. Kesi mukanjitondele ku Mbetele, omwo Mbetele ikapwa cuma cangoco. Kesi mukaye ku Ngilingale omwo vanu vendi vakaya ku vunzinda.”

Amose 7:11

Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”

Amose 7:13

Kesi wambulwile lalo vuka-kwimanena kuno ku Mbetele embwe. Ou unapu mwela wa mwene wakulemesela, njuvo ya njambi yendi yakulemesela vanu voshe va mu lifuti.”

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?