Amose 7:8 - Livulu lya Shukulu Kalunga

⁸ Co wanjihwile ngwendi, “Amose, vika unamono?” Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa.

Amose 7:8 Iomraidhean Croise

2 Vimyene 21:13

Njikanyanyamesa Yelusalema ngwe munjalingile na nganda ya Samaliya, na muje munjalingile na Mwene Ahave wa mu Isalele na vatekulwila vendi, njikanyongesa vanu va mu Yelusalema, ngwe munu akusha lilonga nakulisikumuna, co alifulumika.

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 34:11

Mu lifuti mukakala lika makun̄ulu na makololo. Shukulu Kalunga akalipwisa ngundu, ngwe mulyapwile laja.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Mbimbi 2:8

Shukulu Kalunga washakele ngeci vivumbe vya Siyone viwe, ikeye wavisetekele ngeci vinyonge. Tuposhi na vivumbe vilinakulila nakujaja ngwe vanu.

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Amose 7:7

Njamwene cimona cikwavo lalo cakutunda kuli Shukulu Kalunga. Co mu cimona cije njamwene Shukulu Kalunga nemana kumukulo wa civumbe cije vatungisile na mukole wakusetekesa, co mu livoko lyendi mwakele mukole wakusetekesa vinjuvo.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Zakaliya 4:2

Wanjihwile ngwendi, “Vikajo wamono?” Co njamukumbulwile ngwange, “Njamono citumbikilo ca ndeya ca ngolinde. Co akamwa ali lilonga lya mazi. Co a citumbikilo ca ndeya ali vindeya vitanu na vivali, co ndeya imo na imo ili na mitetango itanu na ivali.

Zakaliya 5:2

Co kangelo wanjihwile ngwendi, “Vikajo wamono?” Njamukumbulwile ngwange, “Njamono livulu lyakuzenga lipulula lyakupwa mamita atanu na awana mu vulaja na mamita awana na litambelo mu vwihi.”