Amose 7:5 - Livulu lya Shukulu Kalunga

⁵ Asinoni njendekele ngwange, “Likele, Shukulu Kalunga wa Akamwa ya Vyoshe! Vatijo vanu vove vasa kuyoya? Omwo vakevo vapwa vavandondo, vakuzeya!”

Amose 7:5 Iomraidhean Croise

Myaso 85:4

Twamene yove Njambi muyoyesi wetu, co likele kuluvala netu!

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Kulava 14:19

Ngecivene, Shukulu Kalunga, ngwe ku vukama vwa cizemo cove cije kucesi kutenguluka, njakulombo ngwange, sambesa vuvi vwa vanu ava, ngwe muwavasambesele simbu ije vatundile mu Ingito kweta na lelo lino.”