Amose 7:4 - Livulu lya Shukulu Kalunga

⁴ Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Amose 7:4 Iomraidhean Croise

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Ezekiyele 21:3

ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Njwele 1:19

Njitambeka kuli yove Shukulu Kalunga, omwo mwila na miti yoshe vinomu cau, ngwe vije vivanenyeka na tuhya.

Njwele 2:30

“Njikalinga vikomokeso mwilu na ano asi, kukakala kwitila maninga, tuhya, na mashelwa a vwisi.

VaLevi 10:2

Aje vene Shukulu Kalunga watumine tuhya, twavenyekele nakuvatsiila kuje vene ku mesho a Shukulu Kalunga.

Amose 1:4

Ngecivene, njikenyeka lipela lya Mwene Hazayele, co njikenyeka vimpaka vya Mwene Mbenehandande.

Amose 1:7

Ngecivene, njikenyeka vivumbe vya nganda ya Ngaza nakwenyeka vimpaka vyayo njwa.

Amose 2:5

Ngecivene, njikatuma tuhya a Yunda nakwenyeka vimpaka vya Yelusalema.”

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Amose 5:6

Ilukeni kuli Shukulu Kalunga ngeci muyoye. Nga kumumushakezeka, co akaija ngwe tuhya ali vanu va Isalele. Tuhya tukenyeka vanu va ku Mbetele, co naumo wai akasa kutuzima.

Amose 7:1

Njamwene cimona cakutunda kuli Shukulu Kalunga wa Akamwa ya Vyoshe. Co mu cimona cije njamwene Shukulu Kalunga atanga njame ya vimbimba mikumbi te vanateje laja vimbuto vya mwene, co vimbuto vikwavo vyashangumukile kujovelela lalo.

Amose 7:7

Njamwene cimona cikwavo lalo cakutunda kuli Shukulu Kalunga. Co mu cimona cije njamwene Shukulu Kalunga nemana kumukulo wa civumbe cije vatungisile na mukole wakusetekesa, co mu livoko lyendi mwakele mukole wakusetekesa vinjuvo.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

VaHevelu 1:7

Oloni kuli tungelo Njambi wendekele ngwendi, “Njambi napwisa tungelo twendi lihunzi, co ikeye napwisa vangamba vendi milangi ya tuhya.”

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”