Amose 7:17 - Livulu lya Shukulu Kalunga

¹⁷ Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”

Amose 7:17 Iomraidhean Croise

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Myaso 78:55

Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Isaya 13:16

Vakamonako omo vakatsena vimbututu vavo a mamanya, vinjuvo vyavo vakavipukula, co vanakazi vavo vakavalinga vyuma vya shwamwa.”

Isaya 22:18

Akakwambata ngwe mbunje, co akakumbila mu lifuti lyakama ngeci ukatsileko, co matemba ove aje awalyalesele nawo vakawanyongesa. Unalingisa shwamwa njuvo ya shukulu yove!

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 20:6

Ngecivene, Pashehule, yove na naanga yove yoshe vakamifungulula nakumitwala ku Mbambilone. Kuje kukekwo kuukatsila nakukutsinda amolika na vasamba vove vaje vaunaleka makuli.’ ”

Njelemiya 28:12

A simbu imo munima yevi, Shukulu Kalunga wanjilekele

Njelemiya 28:16

Co Shukulu Kalunga nendeka ngwendi akakutundisa. Ukatsa omo kanda mwaka uno ucihwe, omwo unaleke vanu kutengulukila Shukulu Kalunga nakumulwisa.”

Njelemiya 29:21

Shukulu Kalunga Muka-nzili yoshe, Njambi ya Isalele, nendeka ali Ahave muna Kolaya na Zendekiya muna Maseya, vaje valinakumileka makuli mu lizina lyendi. Nendeka ngwendi akavaka mu mavoko a Mwene Nevukaneza wa Mbambilone, uje akavatsiya oku munakengeko.

Njelemiya 29:25

Shukulu Kalunga Muka-nzili yoshe, Njambi ya Isalele alinakwendeka ngwendi, “Unatumu mikanda mu lizina lyove ku vanu voshe va mu Yelusalema, na kuli Zefaniya muna Maseya muka-kukombelela, na kuli vaka-kukombelela veka. Co wendekele kuli Zefaniya ngwove,

Mbimbi 5:11

Vawisile vanakazi amolika na vambanda va mu vinganda vya mu Yunda nakulinga navo vuvi a munkinda wa Siyone.

Ezekiyele 4:13

Shukulu Kalunga wendekele ngwendi, “Eci cinemanena muje muvakalilamo vaIsalele vyakulya vije vyakujeneka kujela ngwe ku Lishiko lya Mosesa, omo njikavashandwela ku mafuti eka.”

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

Amose 6:7

Ngecivene, mukapwa yeni vakulivanga kuya ku vunzinda. Co viwano vyeni na vyakulya vyeni vyavivwa vikahwa njwa.

Amose 7:11

Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”

Amose 8:1

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Co mu cimona cije njamwene mutonga wa vushuka.

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Amose 9:8

Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.