Amose 7:15 - Livulu lya Shukulu Kalunga

¹⁵ Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele.

Amose 7:15 Iomraidhean Croise

2 Samwele 7:8

“Ngecivene, leka ngamba yange Ndaviti ngwove, yange, Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

1 Vimyene 19:19

Elinja waile wawanene Elisha alinakulima na mukana wa vingombe, kulutwe lwendi kwakele vanu vakele nakulimisa vingombe mikana likumi na umo. Co Elinja washulwile cikoveyo cendi, co wacifwikile Elisha.

Njelemiya 1:7

Oloni Shukulu Kalunga wendekele kuli yange ngwendi, “Kesi wendeke ngwove u mwanike wamundondo embwe, oloni unapande kuya ku vanu kuje kunjikutuma, nakuvaleka vyuma vyoshe vije vinjikushika.

Njelemiya 26:12

Asinoni njendekele ngwange, “Shukulu Kalunga wanjitumine kwambulula vuka-kwimanena vwa vije vikaija a Njuvo ya Shukulu Kalunga na nganda eyi, vije mwazivile vinjendekele vya a Njuvo ya Shukulu Kalunga na nganda eyi.

Amose 3:8

Omo ndumba aana, iyajo kazivi lyova? Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

Vilinga vya Miluwa 5:20

“Yeni mukemane mu Njuvo ya Shukulu Kalunga, co mukaleke vanu vyoshe vya mwonyo ou wauha.”

1 Samwele 10:11

Vanu vaje vamuzivukile akulivanga, omo vamumwene alinga ngacije, valihwile umo na mukwavo ngwavo, “Vika vinawana muna Kishe? Kuma na Saulu napu muka-kwimanena ndi?”