Amose 7:12 - Livulu lya Shukulu Kalunga

¹² Asinoni Amaziya wendekele kuli Amose ngwendi, “Muka-kwimanena unapwisamo oni! Iluka ku Yunda ukapangeleko vipangi vyakwambulula. Vanapande kukufweta a vipangi evi.

Amose 7:12 Iomraidhean Croise

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Amose 2:12

Oloni mwanwisile vaNazalite vinyu, co mwashikile vaka-kwimanena ngweni kesi vambulule majwi ange.

Amose 7:11

Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Mateo 8:34

Ngecivene, vanu voshe vatundile ku nganda ije vezile nakuliwana na Yesu, co omo vamuwanene, vamulombele ngeci atunde mu lifuti lyavo.

Luka 13:31

A simbu ije vene kwezile vaFaliseo vamo kuli Yesu vendekele ngwavo, “Unapande kutunda kuno uye kweka, omwo Helonde ashaka kukutsiya.”

Vilinga vya Miluwa 16:39

Ngecivene, vaileko nakulitavela kuli vakevo, asinoni vavatuwisile mu kamenga, co vavalekele ngeci vatunde mu nganda.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

1 Samwele 2:36

Mutekulwila wove woshe uje akayoya akaye kuli muka-kukombelela akamulombe vimbongo na vyakulya, co akalombe kukwasa vaka-kukombelela, ngeci akale na vyakulya vimo.”

1 Samwele 9:9

(Laja mu Isalele, omo munu aya nakwihula kuli Njambi, co ikeye endeka ngwendi, “Ijeni tuye kuli muka-kumona,” omwo uje ikeye vatumbula ololo ngwavo muka-kwimanena, co laja vakele nakumutumbula ngwavo muka-kumona.)