Amose 7:11 - Livulu lya Shukulu Kalunga

¹¹ Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”

Amose 7:11 Iomraidhean Croise

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Myaso 56:5

Vitozi vange vashaka kunjivulumuna litangwa lyoshe lyamutunu, visimbu vyoshe vanjitumbila vutumbe vwakunjivulumuna!

Njelemiya 26:9

Omwo vikajo unendeka mu lizina lya Shukulu Kalunga ngwove, eyi Njuvo ya Shukulu Kalunga ikapwa ngwe Shilo, co lalo ngwove na nganda eyi vakainyongesa, naumo wai akakalamo?” Asinoni vanu vanjizengelekele.

Njelemiya 36:16

Omo wamanesele kulilava, co vakele na lyova, co valyendekesele umo na mukwavo nakuleka Mbaluke ngwavo, “Tunapande kutwala vukaleo ovu kuli mwene.”

Amose 1:1

Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

Amose 7:10

Asinoni Amaziya, muka-kukombelela wa ku Mbetele, watumine majwi kuli Mwene Yelovowame wa mu Isalele ngwendi, “Amose nakulingila munga yakukulwisa akati ka vanu va Isalele. Co majwi endi asa kuviisa lifuti lyoshe.

Amose 7:12

Asinoni Amaziya wendekele kuli Amose ngwendi, “Muka-kwimanena unapwisamo oni! Iluka ku Yunda ukapangeleko vipangi vyakwambulula. Vanapande kukufweta a vipangi evi.

Amose 7:9

Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Mateo 26:61

vendekele ngwavo, “Ou munu wendekele ngwendi, ‘Yange njasa kusiwula eyi Njuvo ya Shukulu Kalunga, co lalo njasa kuyitunga a matangwa atatu lika.’ ”

Vilinga vya Miluwa 6:14

Omwo tunamuzivi endeka ngwendi ou Yesu wa ku Nazaleta akasiwula Njuvo ya Shukulu Kalunga nakutengulula futisi yatwanene Mosesa!”